الماتى حايۋاناتتار باعىنا 86 جىل تولدى
86 جىل ىشىندە الماتى زووباعى ءتۇرلى كەزەڭدەردى، اتاپ ايتقاندا، العاش قۇرىلعان كەزدەگى قيىندىقتار مەن قۇلدىراۋ كەزەڭىن، سونداي-اق، قالىپتاسۋ كەزەڭىن باسىنان وتكەردى، دەپ حابارلايدى Kazinform.
86 جىل ىشىندە الماتى زووباعى ءتۇرلى كەزەڭدەردى، اتاپ ايتقاندا، العاش قۇرىلعان كەزدەگى قيىندىقتار مەن قۇلدىراۋ كەزەڭىن، سونداي-اق، قالىپتاسۋ كەزەڭىن باسىنان وتكەردى، دەپ حابارلايدى Kazinform.
الماتى حايۋاناتتار باعى الەۋمەتتىك جەلىدە زووباقتىڭ بۇگىنگى كۇنى زامان تالابىنا ساي كوركەيىپ، دامىعان، الدىنا ۇلكەن ماقساتتار قويعان مادەني، عىلىمي مەكەمەگە اينالعانىن جازدى. سونداي-اق، بۇگىنگە دەيىن جاسالعان جۇمىستار مەن الداعى جوسپارىمەن ءبولىستى.
«قازىرگى ۋاقىتتا الماتى حايۋاناتتار باعىندا جانۋارلار ءۇشىن قولايلى جاعدايلار مەن جاڭا قورشاۋلار سالىنىپ، زووباق اۋماعى ابباتتاندىرىلدى. ارىستان، قاسقىر، ايۋ سياقتى جانۋارلارعا جاڭا ۆولەرلەر سالىندى. كولشىكتەر كۇردەلى جوندەۋدەن ءوتتى. جەم-ءشوپ، قورەك قويماسى مەن جەمىس- جيدەك ساقتايتىن قويما قۇرىلىسىن باستادىق. جىلدىڭ سوڭىنا دەيىن قار بارىسى مەن سىلەۋسىندەرگە ارنالعان كەڭ، ۇلكەن قورشاۋ قۇرىلىسىن سالۋ بويىنشا جوبالىق- سمەتالىق جۇمىستار اياقتالادى. 2024 -جىلى «افريكا ساۆانناسى» مەن «اركتيكا» ءىرى جوبالارىن ىسكە اسىرا باستايمىز. سونىمەن قاتار، سۋسيىر، كەرىك، زەبرا، اق ايۋ، پوليار قاسقىرى سياقتى كوپتەگەن جانۋارلاردىڭ قورشاۋلارى مەن تۇراقتارىن جاقسارتۋ جۇمىستارى ىسكە اسادى»، - دەپ جازدى زووباق ۇجىمى.
الماتى حايۋاناتتار باعى سونداي-اق جوسپار بويىنشا جىرتقىش قۇستاردىڭ، مايمىلداردىڭ تۇراقتارىنا كۇردەلى جوندەۋلەر جۇرگىزىلىپ، ۆەتەرينارلىق ءبولىم مەن جانۋارلاردى تابيعاتقا جىبەرۋ (رەينترودۋكتسيا) ورتالىعىنىڭ قۇرىلىسى باستالاتىنىن حابارلادى.
«جانۋارلارىمىزعا قاجەتتى جاعداي جاساۋ بويىنشا جوسپارىمىز كوپ. بۇگىنگى زووباق تۋعان كۇنىنە وراي سىزدەردەن قۇتتىقتاۋلار قابىلدايمىز»، - دەلىنەدى زووباقتىڭ حابارلاماسىندا.
