الماتى-شاۋەشەك اۆتوبۋس باعىتى اشىلدى

اتالعان باعىتتى «شىنجاڭ سينتا جولاۋشى تاسىمالى» جاۋاپكەرشىلىگى شەكتەۋلى كومپانياسى ىسكە اسىرادى. اۆتوبۋس شاۋەشەك قالاسىنان اتتانىپ، باقتى كەدەندىك بەكەتى ارقىلى قازاقستانعا وتكەننەن كەيىن، الماتىعا جول تارتادى.

- جاڭا حالىقارالىق باعىتتىڭ قاشىقتىعى شامامەن 900 شاقىرىم، شاۋەشەكتەن شىققان اۆتوبۋس الماتىعا 13 ساعاتتا جەتەدى. جوسپار بويىنشا، باستاپقى كەزەڭدە اۆتوبۋس اپتاسىنا ەكى رەت قاتىنايدى، الداعى ۋاقىتتا جولاۋشىلار اعىنىنا بايلانىستى رەيستەر سانى ارتتىرىلماق. بيلەت باعاسى ءبىر ادامعا 330 يۋان (شامامەن 22,400 تەڭگە)، بۇل جولاۋشىلاردىڭ شىعىنىن ازايتۋعا سەپتىگىن تيگىزەدى، - دەيدى سينتا كومپانياسىنىڭ باسشىسى ما جيۋن.

شاۋەشەك - قىتايدىڭ سولتۇستىك-باتىس ايماعىنداعى ماڭىزدى شەكارالىق قالالاردىڭ ءبىرى. الماتى-شاۋەشەك حالىقارالىق اۆتوبۋس باعىتىنىڭ اشىلۋى ەكى ەل تۇرعىندارى ءۇشىن ىڭعايلى كولىك قىزمەتىن ۇسىنۋمەن قاتار، قىتاي مەن قازاقستان اراسىنداعى ساۋدا- ەكونوميكالىق جانە مادەني بايلانىستاردى دامىتۋعا جاڭا مۇمكىندىك بەرەدى.

ايتا كەتەلىك 20-25 -ناۋرىز كۇندەرى تۋريستەر ءاز-ناۋرىزدى بىردەن ەكى ەلدە - قازاقستان مەن وزبەكستاندا قارسى الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى