الماتى- استانا- اقتاۋ اۋە رەيسىندە كۇتپەگەن وقيعا بولدى

ءتارتىپ بۇزۋشىعا قاتىستى اكىمشىلىك ماتەريال تولتىرىلىپ، 50 ا ە ك (172500 تەڭگە) كولەمىندە ايىپپۇل سالىندى. بۇل تۋرالى كولىكتەگى پوليتسيا دەپارتامەنتى حابارلادى.

اۋە رەيسى استاناعا كەلگەن كەزدە جولاۋشى استانا اۋەجايىنداعى پوليتسيانىڭ جەلىلىك ءبولىمىنىڭ قىزمەتكەرلەرىنە تاپسىرىلدى.

تەكسەرۋ بارىسىندا كولىك پوليتسەيلەرى 31 جاستاعى رەسەي فەدەراتسياسىنىڭ ازاماتى ۇشۋ كەزىندە ۇشاقتىڭ دارەتحاناسىندا ەلەكتروندى تەمەكى شەككەنىن انىقتادى.

ۆەدومستۆو مالىمەتىنشە، بيىل 10 ايدا كولىكتەگى پوليتسيا دەپارتامەنتىنىڭ قىزمەتكەرلەرى ءتۇرلى اكىمشىلىك قۇقىق بۇزۋشىلىقتار ءۇشىن اۋە رەيسىندە 537 ادام جازالانعان. ونىڭ ىشىندە قوعامدىق ورىنداردا ماس كۇيىندە پايدا بولعانى ءۇشىن - 256 ادام، ۇشاق بورتىندا تەمەكى شەككەنى ءۇشىن - 179 ادام، ۇساق بۇزاقىلىق ءۇشىن - 41 جانە باسقالارى بار.

ايتا كەتەيىك، بورتتا تەمەكى شەگۋ ءورت قاۋىپسىزدىگى نورمالارىنا قايشى كەلەدى. ۇشاقتا كەز- كەلگەن ۇشقىننان تۇتانىپ كەتەتىن تەز ورتەنگىش ماتەريالدار كوپ. سونداي-اق، تەمەكىدەن شىققان ءتۇتىن جولاۋشىلار مەن ۇشاق پەرسونالىنا قولايسىزدىق تۋدىرىپ، زيانىن تيگىزەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى