الماتى التىن تۇسكە بويالدى - فوتورەپورتاج
الماتى. KAZINFORM - الماتى كۇزى ەرەكشە. ارۋ قالادا بۇل مەزگىل باسقا ماۋسىمدارعا ۇقسامايتىن اسەمدىگىمەن كوپكە بەلگىلى. kazinform اگەنتتىگىنىڭ فوتو ءتىلشىسى التىن تۇسكە بويالعان شاھار ساياباقتارى مەن گۇلزارلاردى ارالاپ، سۋرەتكە ءتۇسىرىپ قايتتى.
كۇز مەزگىلى - تابيعاتتى تاماشالاۋعا، ادەمى فوتوسۋرەتتەر تۇسىرۋگە ارنالعان كەرەمەت ۋاقىت. ال، قالا ساياباقتارى - تاماشا ۋاقىت وتكىزۋگە ارنالعان ورىنداردىڭ ءبىرى.
قالا تۇرعىندارى كۇزدىڭ سۇلۋلىعىن قالت جىبەرمەۋگە تىرىسادى. ونى كوشەلەردە سەرۋەندەپ جۇرگەن ادامداردان بايقاۋعا بولادى.
جازدا بۇل سۋبۇرقاقتار جانعا جايلىلىق سىيلاعانداي بولسا، كۇزدە بويىڭدى توڭدىرا تۇسەدى. دەسە دە سۋدىڭ سىلدىراعان دىبىسى ميدى تىنىشتاندىرادى.
جىلدىڭ وسى مەزگىلىندە الماتى تاۋلارىندا ۇزاق ۋاقىت سەرۋەندەپ، تابيعات اياسىنا شىققان جاقسى. كۇز اعاشتاردىڭ جاپىراقتارىن جارقىن بوياۋلارعا قانىق ەتەدى: سارى، سارعىلت، قىزىل.
ايتا كەتەيىك، بۇل كۇندەرى الماتى قالاسىندا تۇنگى جانە تاڭعى ۋاقىتتاردا اۋا رايى سالقىن بولسا دا، كۇندىز اسپان اشىق، كۇن جىلى.
