الماتى اكىمىنىڭ ورىنباسارىنا ايىپپۇل سالىندى

الماتى پروكۋراتۋراسىنىڭ مالىمەتىنشە، قالا اكىمى ورىنباسارىنىڭ تاپسىرماسى بويىنشا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا مونيتورينگ جۇرگىزۋ بارىسىندا اۋدان اكىمدىكتەرىنىڭ قىزمەتكەرلەرى ءوز وكىلەتتىكتەرىنىڭ شەگىنەن شىعىپ كاسىپكەرلەردەن قۇجاتتاردى زاڭسىز نەگىزدە ۇسىنۋدى تالاپ ەتكەن.

- مۇنداي ارەكەتتەر زاڭناماعا قايشى كەلەدى، سەبەبى تەكسەرۋشىلەردە بيزنەستەن قۇجاتتامانى تالاپ ەتۋ ءۇشىن قۇقىقتىق نەگىزدەر بولماعان. تەكسەرۋ جۇرگىزۋ ءتارتىبىن بۇزۋ فاكتىلەرى بويىنشا اۋدان اكىمدەرى اپپاراتتارىنىڭ 6 لاۋازىمدى تۇلعاسى ق ر ا ق ب ت ك- ءنىڭ 175-بابىمەن اكىمشىلىك جاۋاپتىلىققا تارتىلدى. 25 ماتەريال بويىنشا 500 ا ە ك مولشەرىندە ايىپپۇل سالىندى، - دەپ حابارلادى پروكۋراتۋرا.

بۇدان باسقا الماتى قالاسى اكىمىنىڭ ورىنباسارىنا ق ر ا ق ب ت ك- ءنىڭ 173-بابىمەن كاسىپكەرلىك قىزمەتكە زاڭسىز ارالاسقانى ءۇشىن 100 ا ە ك مولشەرىندە ايىپپۇل سالىنعان.

- قازىرگى ۋاقىتتا بارلىق ايىپپۇل قىسقارتىلعان تارتىپپەن تولەندى، - دەپ حابارلادى پروكۋراتۋرا.

ەسكە سالايىق، بۇعان دەيىن الماتى پروكۋراتۋراسى شەشىمىمەن اۋەجايعا سالىنعان 122 ميلليون تەڭگە ايىپپۇل زاڭسىز دەپ تانىلعانىن جازعانبىز.

اۆتور

دوسبول اتاجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى