الماتى اۋەجايىندا قىزدى كەپىلگە العان كۇدىكتىگە قاتىستى سوت باستالادى

الماتى قالاسى سوتىنىڭ مالىمەتىنشە، بۇگىن شاھاردىڭ اۋەجايىندا قىزدى كەپىلگەن العان كۇدىكتىگە قاتىستى سوت باستالادى.

بۇعان دەيىن الماتى اۋەجايىندا بولعان وقيعاعا قاتىستى ءۇش قىلمىستىق ءىس قوزعالعانىن جازعانبىز.

كەپىلگە الۋ (ق ر ق ك-نىڭ 261-بابى 2-بولىگى 4-تارماعى) - مۇلكى تاركىلەنىپ، 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن. قارۋ قولدانۋ ارقىلى جاسالعان بۇزاقىلىق (ق ر ق ك-نىڭ 293-بابى 3-بولىگى) - 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان. تەرروريزم اكتىسى تۋرالى كورىنەۋ جالعان حابارلاۋ (ق ر ق ك-نىڭ 273-بابى) - 5000 ا ە ك مولشەرىندە ايىپپۇل نەمەسە 5 جىلعا دەيىن باس بوستاندىعىنان ايىرۋ.

ەسكە سالايىق، 7-ناۋرىز كۇنى الماتى اۋەجايىندا ەر ادام قىزدى كەپىلگە الىپ، كوپشىلىك الدىندا پىشاق كەزەنگەنىن جازعانبىز.

مۇسا ءابدىرايىم كۇدىكتىگە ءوزىن كەپىلگە ۇسىنىپ، قىزمەتكەردىڭ ورنىنا تۇرعان. ەر ادام ءتارتىپ ساقشىلارىمەن كەلىسسوزگە الاڭداعان تۇستا ول كۇدىكتىنىڭ قولىنداعى پىشاقتى جۇلىپ الدى.

مەملەكەت باسشىسىنىڭ جارلىعىمەن قيىن- قىستاۋ جاعدايدا كورسەتكەن ەرلىگى مەن جانقيارلىعى ءۇشىن مۇسا سايرانباي ۇلى ءابدىرايىم «ەرلىگى ءۇشىن» مەدالىمەن ناگرادتالدى.

كەيىن كولىكتەگى پوليتسيا دەپارتامەنتى الماتى اۋەجايىندا قىزدى كەپىلگە العان ەر ادامدى ۇستاۋعا قاتىسقان قىزمەتكەرلەر بويىنشا تۇسىنىك بەردى.

اۆتور

دوسبول اتاجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى