الەم ەلدەرى: جاپونياعا 1 اپتاعا بارىپ كەلۋگە قانشا كەتەدى؟

ەلگە كىرۋ شارتتارى. جاپونيا قازاقستاندىق تۋريستەردى قابىلدايدى، تىكەلەي رەيس جوق.

جاپونياعا بيلەت باعاسى

الماتى، قازاقستان - توكيو، جاپونيا. بارۋ-قايتۋعا ارنالعان بيلەت باعاسى (ەڭ تومەن باعا كورسەتىلگەن). ەگەر جاپونيانىڭ استاناسىنا جاقىن كۇندەرى ساياحاتتايتىن بولساڭىز، بيلەتتى وسى باعادا ساتىپ الاسىز.

جەلتوقسان - 427 مىڭ 957 تەڭگە؛

قاڭتار - 466 مىڭ 441 تەڭگە (2025 -جىل)؛

اقپان - 474 مىڭ 581 تەڭگە (2025 -جىل)؛

ناۋرىز - 432 مىڭ 720 تەڭگە (2025 -جىل)؛

ءساۋىر - 450 مىڭ 661 تەڭگە (2025 -جىل)؛

مامىر - 488 مىڭ 132 تەڭگە (2025 -جىل)؛

ماۋسىم - 432 مىڭ 720 تەڭگە (2025 -جىل)؛

شىلدە - 450 مىڭ 661 تەڭگە (2025 -جىل)؛

تامىز - 536 مىڭ 867 تەڭگە (2025 -جىل)؛

قىركۇيەك - 438 مىڭ 953 تەڭگە (2025 -جىل)؛

جاپونياعا ۆيزا قانشا تۇرادى؟

قازاقستاننان جاپونياعا بارۋ ءۇشىن ۆيزا قاجەت. جاپون كىرۋ ۆيزاسىن راسىمدەۋ جانە بەرۋ ءراسىمى تەگىن جۇزەگە اسىرىلادى. ۆيزا بارلىق قاجەتتى قۇجات ۇسىنىلعاننان كەيىن 5 جۇمىس كۇنى ىشىندە بەرىلەدى، ءبىر رەتتىك قىسقامەرزىمدى ۆيزا 3 اي بويى جارامدى.

ق ر جاپونيا ەلشىلىگىنە ۆيزا راسىمدەۋگە ءوتىنىش بەرە الادى:

ق ر اۋماعىندا تۇراتىن قازاقستان ازاماتتارى، سونداي-اق قازاقستان اۋماعىندا زاڭدى نەگىزدە ۇزاقمەرزىمدى بولاتىن شەتەلدىك ازاماتتار (تۇرۋعا ىقتيارحات، يمميگراتسيالىق قىزمەتتە تىركەلۋ، ۆيزا، جۇمىسقا رۇقسات نەمەسە ۇزاقمەرزىمدى بولۋدىڭ زاڭدىلىعىن راستايتىن باسقا دا قۇجاتتار).

قازاقستاندىقتارعا بەرىلەتىن ۆيزانىڭ 4 ءتۇرى بار.

90 كۇنگە دەيىن قىسقامەرزىمگە ۆيزا. (تۋريستىك ساپار؛ بيزنەس، مادەني الماسۋ، سپورت؛ تۋىستارى مەن تانىستارىنا بارۋ)

جاپونيادا ۇزاق مەرزىمگە تۇرۋعا/جۇمىس ىستەۋگە ۆيزا؛

مەديتسينالىق قىزمەتتەردى پايدالانۋ ماقساتىندا ۆيزا؛

ق ر تۇراتىن جاپونيا ازاماتىنىڭ جۇبايىنىڭ/زايىبىنىڭ جاپونياعا قىسقامەرزىمدى ساپارى ءۇشىن ۆيزا.

جاپونياداعى قوناق ۇيلەردىڭ باعاسى

جاپونيادا ارزان كاپسۋلالىق قوناقۇيلەردەن باستاپ جوعارى دەڭگەيلى رەكاندارعا (جاپون ستيلىندەگى قوناق ءۇي) دەيىن تابۋعا بولادى.

كاپسۋلا قوناق ءۇي 1 ادامعا 16 ا ق ش دوللارىنان (7714 تەڭگە) باستالادى.

جەكە ادامدار ۇيلەرىن جالعا بەرەتىن قوناقۇيدە ەكى ورىندى بولمە تاۋلىگىنە 27 ا ق ش دوللارىنان (13018 تەڭگە) باستالادى؛

2* قوناق ۇيدە - تاۋلىگىنە 45 ا ق ش دوللارىنان (21696 تەڭگە) باستالادى؛

3* قوناق ۇيدە - 55 ا ق ش دوللارىنان (26518 تەڭگە) باستالادى؛

5* قوناق ۇيدە - 100 ا ق ش دوللارىنان (48215 تەڭگە) جوعارى.

ەگەر جاپون ستيلىندەگى ءقوناقۇي، ياعني رەكاندا تۇرۋدى شەشسەڭىز، جاپونياعا ساپار قۇنى ارتادى. رەكانداردا ەدەنگە تاتامي توسەلەدى، كەرەۋەتتەردىڭ ورنىنا فۋتوندار، ال قوناقتارعا ۇلتتىق تاپىشكە مەن حالات بەرىلەدى. كەيدە ونسەن - ىستىق بۇلاق بار. توكيوداعى مۇنداي ۇيدە ەڭ ارزان باعا ەكى ادامعا 70-80 ا ق ش دوللارىنان (33750-38572 تەڭگە) باستالادى، ولاردا ادەتتە ۆاننا بولمەسى ورتاق. 100 دوللاردان باستاپ، ءوز ۆانناسى بار رەكاندار تابا الاسىز.

ونسەنى بار كەڭ رەكاندار جاپونيانىڭ باسقا قالالارىندا شامامەن 150-300 ا ق ش دوللارى (72323-144646 تەڭگە) تۇرادى.

كەڭەس: ءىرى قالالاردا ورتالىقتا تۇرۋدىڭ قاجەتى جوق. ەڭ باستىسى - مەترونىڭ جانىندا بولۋى.

جاپونيادا ازىق-تۇلىك باعاسى

جاپونيانىڭ ۇلتتىق تاعامدارى ءدامدى، بالعىن جانە سالىستىرمالى تۇردە ارزان! تاعامدار تابيعي، از وڭدەلگەن ونىمدەردەن دايىندالادى، ديەتانىڭ نەگىزى - كۇرىش، كەسپە، تەڭىز ونىمدەرى جانە ەت. مەيرامحاناعا بارعاندا تاپسىرىس بەرۋ كەزىندە قيىندىق تۋىندامايدى، ويتكەنى مۇندا مازىردە تاعامنىڭ سۋرەتى تۇرادى.

جاپونياعا ساپار قۇنىن ناقتى ەسەپتەۋ ءۇشىن تاماققا قانشا جۇمسايتىنىڭىزدى ناقتى ءبىلۋ كەرەك. ورتاشا العاندا، تاڭعى اسقا ءبىر ادامعا شامامەن 400-500¥ (1290-1610 تەڭگە) كەتەدى. مىسالى، توفۋ قوسىلعان ۋدون كەسپەسى، رامەن، كارري كۇرىشى. شاي نەمەسە سۋ تەگىن بەرىلەدى.

كافەدە تۇسكى نەمەسە كەشكى اسقا ءبىر ادامعا 1000-1500¥ (1290-1610 تەڭگە) كەتەدى. ەگەر ءسىز تاماقتى از جەۋگە داعدىلانعان بولساڭىز، وندا بۇل سوماعا ەكى ادام تاماقتانادى. ال ارزان مەكەمەلەردە تاعام ورتاشا ەسەپپەن 500-800¥ (1290-1610 تەڭگە) تۇرادى، مەيرامحانادا - 1000¥ (1290-1610 تەڭگە) جوعارى.

جاپونيادا كونۆەيەرلىك مەيرامحانادا (كايتەندزۋشي) ءدامدى ءارى ەرەكشە ستيلدە تاماقتانۋعا بولادى. ءسىز ۇستەلگە وتىراسىز، ال دايىن تاعامدار كونۆەيەر تاسپاسىنان وتەدى. ەكى سۋشي سالىنعان تاباقتىڭ باعاسى 105¥ (1290-1610 تەڭگە) باستالادى. تاعامنىڭ باعاسىن ىدىس-اياقتىڭ تۇسىنەن اجىراتۋعا بولادى. سوڭىندا بوس تاباقتار دەپ سانالادى. شاي مەن ءزىمبىر - تەگىن جانە شەكسىز بەرىلەدى.

1 جاپون يەناسى - 3,22 تەڭگە.

ايتا كەتەيىك، بۇگىندە مۇنداي مەيرامحانالار قازاقستاندا دا بار.

جاپونيادا تاماققا قالاي ۇنەمدەۋگە بولادى؟ كەڭەس:

سۋپەرماركەتتەردە كەشكى 20:00 نەمەسە 21:00-دەن باستاپ دايىن تاعامعا نەمەسە جارامدىلىق مەرزىمى اياقتالعان تاعامعا 20-50 پايىز جەڭىلدىكتەر بار.

بەنتو- تۇسكى اس قورابىن، قوراپتاعى تۇسكى استى ساتىپ الىڭىز. جاپونيادا ارزان، ىڭعايلى جانە وتە تانىمال. ىشىندەگى تاعامعا بايلانىستى 300-1000¥ (964-3213 تەڭگە) دەيىن تۇرادى.

جەرگىلىكتى تۇرعىندارعا باعىتتالعان ءۇندى، قىتاي، كورەي جانە باسقا دا مەيرامحانالاردا ارزان تاماق ىشۋگە بولادى.

ءدامدى جانە ارزان - وتباسىلىق مەيرامحانالارعا بارىڭىز.

تاۋلىك بويى جۇمىس ىستەيتىن مينيماركەتتەردەن دايىن، ارزان تاعامدى ساتىپ الا الاسىز. الايدا ول جەردە قاراپايىم سۋپەرماركەتتەرگە قاراعاندا قىمباتىراق.

ەگەر جاپونياعا ساپارىڭىزدى ارزانداتقىڭىز كەلسە، تاماقتى ءوزىڭىز دايىنداڭىز. مىسالى، تاڭعى اس پەن كەشكى استى دايىنداڭىز، تۇسكى استى مەيرامحانادا ءىشىڭىز. جاپونيادا كوكونىستەر مەن جەمىستەر قىمبات تۇرادى، ولار ادەتتە جەكە ساتىلادى. ەت تە ارزان ەمەس.

جاپونيا دۇكەندەرىندەگى ازىق- تۇلىك باعاسى:

نان - 70-130¥ (224-417 تەڭگە)؛

سەندۆيچتەر - 180-350¥ (578-1124 تەڭگە)؛

ءسۇت (1 ل) - 180¥ (578 تەڭگە)؛

جۇمىرتقا (10 دانا) - 230-250¥ (739-803 تەڭگە)؛

اسشاياندار (1 كەلى) - 1000¥ (3205 تەڭگە)؛

كارتوپ (1 كەلى) - 390¥ (1250 تەڭگە)؛

قىزاناق (1 كەلى) - 730¥ (2340 تەڭگە)؛

الما (1 كەلى) - 200-660¥ (641-2115 تەڭگە)؛

اپەلسين (1 كەلى) - 580¥ (1 859 تەڭگە)؛

سىرا - 80-200¥ (256-641 تەڭگە)؛

دايىن سالاتتار - 400¥ (1282 تەڭگە)؛

سۋشي - 300-1500¥ (961-4808 تەڭگە)؛

دەسەرتتەر مەن كونديتەرلىك ونىمدەر - 100-400¥ (320-1282 تەڭگە).

جاپونياداعى كورىكتى جەرلەردىڭ باعاسى

جاپونيانىڭ ءار قالاسى ەرەكشە اسەم. ءبىز توكيونىڭ كورىكتى جەرلەرىنەن ءتىزىم جاسادىق، مىسالى:

سيندزيۋكۋ گوەن يمپەراتور پاركى - 200¥ (641 تەڭگە)؛

ۋەنو حايۋاناتتار باعى - ەرەسەكتەر ءۇشىن 600¥ (1923 تەڭگە)، بالالار ءۇشىن - تەگىن؛

توكيو ۇلتتىق مۇراجايى - 620¥ (1987 تەڭگە)؛

نەزۋ مۇراجايى - 1000¥ (3205 تەڭگە)؛

توكيو تەلەديدار مۇناراسى - 1600¥ (5129 تەڭگە)؛

ىستىق بۇلاقتار (ونسەندەر) - 1500-2000¥ (4808-6411 تەڭگە)؛

توكيودا كوپ جەردى تەگىن كورۋگە بولادى. ولاردىڭ اراسىندا يمپەراتور سارايى (كىرۋگە الدىن الا جازىلۋ قاجەت) ، كاميناريمون قاقپاسى «نايزاعاي قاقپاسى»، سونداي-اق كەيبىر ساياباقتار مەن حرامدار بار.

جول اقىسى

مەترو جانە پويىزدار. جاپونيادا پويىزسىز قيىن. نەگىزگى تەمىرجول كومپانياسى - Japan Railways (JR). كومپانيا ارنايى تۋريستەر ءۇشىن - JR Pass بيلەتىن شىعارعان. بۇل تەك شەتەلدەن كەلگەندەر ءۇشىن جارامدى جانە JR Pass سايتىندا جاپونياعا بارار الدىندا راسىمدەلەدى. قۇجات پوشتاڭىزعا كەلەدى. سودان كەيىن جاپونيادا مەترو بەكەتىندە كومپانيانىڭ تىرەگىن تاۋىپ، ونى بيلەتكە اۋىستىراسىز.

JR Pass كومپانيانىڭ بارلىق كولىگىنە قىزمەت ەتەدى: سينكانسەندەر، كەيبىر مەترو جەلىلەرى جانە كوپتەگەن قالا ماڭىنداعى پويىزدار. بۇل اتاۋلى قۇجات، ونى وزگە ادامعا بەرۋگە بولمايدى. ەڭ باستىسى، ونى جوعالتۋعا بولمايدى، ويتكەنى كارتا قايتا شىعارىلمايدى. قىمبات تۇرادى: 7 كۇنگە - 264 ا ق ش دوللارى (127679 تەڭگە)، 14 كۇنگە - 422 ا ق ش دوللارى (204094 تەڭگە)، 21 كۇنگە - 542 ا ق ش دوللارى (262130 تەڭگە).

مەترومەن ءجۇرۋ قۇنى ەلدىڭ ءىرى قالالارىندا مەترو جەلىلەرى بولىنەتىن ايماقتارعا بايلانىستى. پويىزدار ءار 5 مينۋت سايىن، 5:00-دەن 23:30-عا دەيىن، كەيدە ءتۇن ورتاسىنا دەيىن جۇرەدى. ۆاگوننىڭ ءتۇسى ول جۇرەتىن سىزىققا سايكەس كەلەدى. جول ءجۇرۋ باعاسى قاشىقتىق پەن قالاعا بايلانىستى. مىسالى، توكيودا ول ءار ساپارعا 120-320¥ (384-1026 تەڭگە) ارالىعىندا بولادى.

اۆتوبۋستار تۋريست ءۇشىن ءتيىمسىز، ويتكەنى مارشرۋتتاردىڭ نومىرلەرى مەن اتاۋلارى يەروگليفتەرمەن جازىلادى. ورتاشا العاندا، اۆتوبۋستار 7:00-دەن 21:00-گە دەيىن جۇرەدى، ءبىراق كەيبىر اۋدانداردا جۇمىسقا ەرتەرەك كىرىسىپ، (5:30-دان) كەش اياقتالادى (23:30-عا دەيىن). ءبىر اۆتوبۋس پەن ترامۆاي ساپارىنىڭ قۇنى - 220-420¥ (705-2 261 تەڭگە) .

تاكسي

تاكسي قىزمەتىن پايدالانۋ - 580-720¥ (1860-2309 تەڭگە)؛

ءار 280 مەتر ءۇشىن - 80¥ (256 تەڭگە)؛

ءبىر ورىندا تۇرعان ءار 135 سەكۋند ءۇشىن - 90¥ (288 تەڭگە).

انىقتاما! 23:00-دەن 6:00-گە دەيىن تاكسي جۇرگىزۋشىلەرى تۇنگى تاريف بويىنشا 30 پايىز ۇستەمە باعامەن جۇرەدى.

جاپونياعا ساپار قانشا تۇرادى؟

2024 -جىلى ەكى ادامعا قازاقستاننان جاپونياعا 7 كۇندىك ساپارعا كەتەدى:

الماتىدان توكيوعا بيلەتتەر - شامامەن 1000 ا ق ش دوللارى (483635 تەڭگە)؛

ارزان قوناق ءۇي 1-3* (كۇنىنە شامامەن 50 دوللار) - 350 ا ق ش دوللارى (169272 تەڭگە)؛

كۇنىنە ءۇش رەت تاماقتانۋ - 300 ا ق ش دوللارى (145090 تەڭگە)؛

JR Pass 7 كۇنگە - 530 ا ق ش دوللارى (256327 تەڭگە).

سونىمەن، جاپونياعا 2024 -جىلى ەكى ادامعا 7 كۇندىك ساپاردىڭ ەڭ تومەنگى قۇنى - 2180 ا ق ش دوللارى (1054326 تەڭگە).

بۇعان كورنەكتى ورىندار مەن كادەسىيلارعا جۇمسالاتىن اقشانى قوسىڭىز.

ەسكەرتۋ! بۇل باعا 2024 -جىلعا ارنالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى