الداعى جىلدارى ءبىلىم گرانتتارىنىڭ سانى ارتادى - مينيسترلىك

- قازاقستان رەسپۋبليكاسىندا جوعارى ءبىلىمدى جانە عىلىمدى دامىتۋدىڭ 2023-2029-جىلدارعا ارنالعان تۇجىرىمداماسىنا سايكەس، سۇرانىسى بار دايارلاۋ باعىتتارى، ونىڭ ىشىندە تەحنيكالىق باعىتتار بويىنشا جوعارى ءبىلىم الۋ ءۇشىن مەملەكەتتىك ءبىلىم بەرۋ گرانتتارى سانىن ۇلعايتۋ (2029-جىلعا قاراي كەمىندە 75 مىڭ) ەسكەرىلگەن، - دەلىنگەن عىلىم مينيسترلىگىنىڭ Kazinform اگەنتتىگىنە بەرگەن جاۋابىندا.

ۆەدومستۆو اقپاراتىنا قاراعاندا، 2024-2025 وقۋ جىلىندا ءبىلىم بەرۋ گرانتتارىنىڭ سانى الدىڭعى جىلمەن سالىستىرعاندا 5000 ءبىلىم بەرۋ گرانتىنا كوبەيگەن.

- بۇل رەتتە، ءبىلىم بەرۋ گرانتتارىنىڭ سانىن كوبەيتۋ بويىنشا ءتيىستى جۇمىستاردى مينيسترلىك ۇزدىكسىز جالعاستىرادى، - دەپ اتالىپ وتكەن مينيسترلىك مالىمەتىندە.

ايتا كەتەيىك، گرانت تاعايىنداۋ كونكۋرسىنا 104 مىڭنان استام تالاپكەر قۇجات تاپسىردى. بۇل - وتكەن جىلمەن سالىستىرعاندا 10 مىڭعا ارتىق.

جالپى، كونكۋرس ناتيجەسىندە 79 مىڭعا جۋىق ءبىلىم گرانتى ۇلەستىرىلدى. مەملەكەتتىك گرانتتار رەسپۋبليكالىق كوميسسيا وتىرىسىنىڭ قورىتىندىسى بويىنشا تاعايىندالدى. ءبىر گرانت ورنىنا ەڭ ۇلكەن كونكۋرس «ستوماتولوگيا» ماماندىعىندا بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى