الداعى جىلدارى 1300 شاقىرىمنان استام تەمىرجول سالىنادى
ق ر پرەمەر- ءمينيسترى ءاليحان سمايىلوۆ «قازاقستان تەمىر جولى» ۇلتتىق كومپانياسىنىڭ قىزمەتى جانە ەلىمىزدىڭ كولىك- ترانزيتتىك الەۋەتىن ودان ءارى دامىتۋ ماسەلەلەرى جونىندە كەڭەس وتكىزدى، دەپ حابارلايدى Kazinform.
كولىك ءمينيسترى مارات قارابايەۆتىڭ ايتۋىنشا، بيىلعى 10 ايدا جۇك تاسىمالداۋ كولەمى 246 ميلليون توننانى قۇرادى، بۇل - وتكەن جىلدىڭ سايكەس كەزەڭىمەن سالىستىرعاندا % 3,3- عا ارتىق. جىل سوڭىنا دەيىن 300 ميلليون تونناعا جەتكىزۋ جوسپارلانىپ وتىر.
الداعى جىلدارى ەلىمىزدىڭ ترانزيتتىك الەۋەتىن ەداۋىر ارتتىراتىن، 1300 شاقىرىمنان استام تەمىرجول سالۋ جوسپارلانعان. اتاپ ايتقاندا، بۇل - دوستىق- مويىنتى، باقتى- اياگوز، داربازا- ماقتاارال جەلىلەرى جانە الماتى ماڭى اينالما جولى.
سونىمەن قاتار قولدانىستاعى تەمىرجولداردى جوندەۋ، جاڭا لوكوموتيۆتەر مەن ۆاگوندار ساتىپ الۋ، ستانسالار مەن ۆوكزال كەشەندەرىن جاڭعىرتۋ جۇمىستارى جۇرگىزىلەتىن بولادى.
پرەمەر- مينيستر «ق ت ج» ۇ ك» ا ق وتاندىق تاۋار وندىرۋشىلەر تاراپىنان كەلىپ تۇسكەن بارلىق شاعىمداردى جەدەل تالداپ، كولىك مينيسترلىگىمەن بىرلەسە وتىرىپ، جۇك تاسىمالى كەزىندەگى كەدەرگىلەردى جويۋ جونىندەگى پارمەندى شارالار ازىرلەۋ قاجەتتىگىن اتاپ ءوتتى.
اۆتور
اسحات رايقۇل
