الداعى جىلدان باستاپ «ناۋرىز» باعدارلاماسىنا قاتىسۋدىڭ تالابى قاتاڭداتىلۋى مۇمكىن

- كەلەسى جىلى «ناۋرىز» باعدارلاماسىنا 300 ميلليارد تەڭگە ءبولۋ جوسپارلانعان. باعدارلاماعا قولداۋ جاساۋ ارقىلى ەكى ماسەلە انىقتالدى. بىرىنشىدەن، كوپتەگەن ساتىپ الۋشىلار تۇرعىن ءۇيدى دايىن كۇيدە الۋدى قالايدى. ويتكەنى جوندەۋ جۇمىستارىنىڭ شىعىندارى كوبەيىپ كەتەدى. سوندىقتان بارلىق تۇرعىن قۇرىلىس كومپانيالارىنىڭ قاۋىمداستىعىمەن ءبىرقاتار كەزدەسۋلەر وتكىزدىك. ولار پورتالعا پاتەرلەردى دايىن كۇيىندە قويادى. ال ساتىپ الۋشىلار پورتالداعى پاتەر قۇنىنىڭ 10 پايىزىن سالۋ ارقىلى الۋعا كەلىسىم بەرەدى. بۇل 2025 -جىلدىڭ 1 - قاڭتارىنان باستاپ ەنگىزىلەدى، - دەدى ول.

«وتباسى بانك» باسشىسى باعدارلاماعا ءوتىنىش بەرگەن 2,5 مىڭ ادامنىڭ كوبىنىڭ دەوپازيتىندە پاتەر قۇنىنىڭ 30 پايىزىنا جەتپەيتىن عانا اقشا جاتقان كورىنەدى.

- ەكىنشىدەن، باعدارلاماعا قاتىسۋشىنىڭ دەپوزيتىندە تەك 1 ميلليون تەڭگە بولۋى شارت ەدى. كونكۋرستا جەڭگەن سالىمشى از ۋاقىت ىشىندە پاتەر قۇنىنىڭ 20 پايىزىن سالۋعا ءتيىس. قازىرگى جاعداي بويىنشا 2,5 مىڭنان استام ءوتىنىشتىڭ 39 پايىزىندا 20 پايىزدى قۇرايتىن جارنا بار. سوندىقتان كەلەسى جىلى باعدارلاماعا قاتىسۋشىلاردىڭ دەپوزيتىن 2 ميلليون تەڭگە ەتىپ بەلگىلەۋدى ۇسىنامىز. بۇل باعدارلامانىڭ جۇزەگە اسۋىن تەزدەتەدى، - دەدى ءلاززات يبراگيموۆا.

بۇعان دەيىن «وتباسى بانك» تۇرعىن ۇيمەن قامتۋ پروتسەسىن قالاي اۆتوماتتاندىراتىنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى