الداعى ءۇش كۇندە قار جاۋىپ، 16 گرادۋسقا دەيىن اياز بولادى
قازگيدرومەت سينوپتيكتەرى 18-20- قاراشا ارالىعىنا ارنالعان اۋا رايى بولجامىن ۇسىندى، دەپ حابارلايدى Kazinform.
الداعى كۇندەرى بەلسەندى سولتۇستىك تسيكلونىنىڭ اسەرىنەن ق ر باسىم بولىگىندە جاۋىن-شاشىن جاۋادى.
18- قاراشادا - سولتۇستىك-باتىستا، سولتۇستىكتە، 19-قاراشادا - ەلىمىزدىڭ شىعىسىندا قاتتى جاۋىن-شاشىن جاۋادى. جاڭبىردىڭ سوڭى قارعا ۇلاسادى.
19-20- قاراشادا ەلىمىزدىڭ وڭتۇستىگىندە، وڭتۇستىك-شىعىسىندا جاڭبىر مەن قار جاۋادى.
جاۋىن-شاشىنمەن قاتار رەسپۋبليكانىڭ سولتۇستىك-باتىسىندا، سولتۇستىگىندە كوكتايعاق جانە بۇرقاسىن بولادى.
20- قاراشاعا قاراي سولتۇستىك-باتىس انتيتسيكلونىنا بايلانىستى سۋىق اۋا ماسسالارى كەلەدى.
بۇل قازاقستاننىڭ باسىم بولىگىندە تەمپەراتۋرانىڭ كۇرت تومەندەۋىنە اكەلەدى.
ماسەلەن، سولتۇستىك-باتىستا تۇنگى ۋاقىتتا 3-13 گرادۋسقا دەيىن اياز، سولتۇستىكتە، ورتالىقتا، شىعىستا تۇندە 8-16 گرادۋس اياز، كۇندىز 2-10 گرادۋس ايازعا دەيىن تومەندەيدى.
تەمپەراتۋرانىڭ تومەندەۋى وڭتۇستىك ايماقتارعا دا اسەر ەتەدى.
مۇندا تۇنگى ۋاقىتتا 3 گرادۋس اياز، كۇندىز 5-15 گرادۋس جىلى، وڭتۇستىك-شىعىستا تۇندە 6 گرادۋس اياز بولادى.
رەسپۋبليكا بويىنشا جەل قارقىنى 15-29 م/س دەيىن كۇشەيىپ، تۇمان تۇسەدى.
سولتۇستىك-باتىس، سولتۇستىك ايماقتاردا جەلدىڭ ەكپىنى 30 م/س اسادى.
