«العاشقى ماحابباتىم»: يليا يلين ءانشى زارينا وماروۆاعا عاشىق بولعانىن ايتتى

«زارينا مەنىڭ العاشقى ماحابباتىم بولدى. ءبىز پويىزدا تانىستىق. ءبىر سپورتشىلارمەن كەتىپ بارا جاتقانبىز. جاسپىز، جالىنداپ تۇرعان كەزىمىز. زارينانىڭ ءنومىرىن الىپ ۇلگەردىم. دوسىما «مىنا قىز ماعان ۇناپ قالعان سياقتى» دەدىم. ول تانىمال ءانشى، جۇلدىز ەدى. بىرەر كۇننەن كەيىن وعان تەلەفون سوقتىم. جاعدايىن سۇرادىم، كەزدەسۋگە شاقىردىم. ول كەلىسىپ، كەزدەسۋگە كەلدى. سولاي باستالدى ءبارى. ونىڭ جەكە كولىگى بولاتىن. مەنىڭ باراتىن جەرىم جاتتىعۋ زالى، جاتاقحانا.. . ءۇش-ءتورت اي ارالاستىق قوي دەيمىن. ول جاۋاپسىز ماحاببات بولدى. مەنىڭ العاشقى عاشىعىم بولعان سوڭ قاتتى ۋايىمدادىم. كەيىن كۇرەسۋدەن پايدا تاپپايتىنىمدى ءبىلىپ، ءوز جونىمە كەتتىم»، - دەيدى سپورتشى.

ءانشى زارينا وماروۆا سپورتشى سەزىمىن بىلدىرگەنىن ايتتى. الايدا ونىڭ انشىدەن جاسى كىشى بولعان ەكەن.

«ون جەتى جاسىندا كومانداسىمەن پويىزبەن الماتىعا كەلە جاتقان. مەن گاسترولدەن كەلە جاتقانمىن. تەلەفون الماسىپ، دوس رەتىندە ارالاسىپ جۇردىك. ماحابباتىمىز ۇزاققا سوزىلمادى. ول كەزدە جاسى كىشى جىگىتپەن قارىم- قاتىناس دۇرىس ەمەس دەپ ەسەپتەلەتىن. ءبىراق «العاشقى ماحابباتىمسىڭ» دەپ اشىق ايتتى. مەن الشاقتاي باستاعاندا «مەنى ءالى تەلەديداردان كورەسىڭ، چەمپيون بولامىن» دەگەن»، - دەيدى زارينا وماروۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى