العاش رەت ورازا ۇستايتىندارعا ارنالعان پايدالى كەڭەستەر

ەگەر بۇرىن ورازا ۇستاپ كورمەسەڭىز، بىردەن كىرىسۋ قيىن بولۋى مۇمكىن. سوندىقتان ءوزىڭىزدى بىرتىندەپ دايىنداڭىز.

تاماق تانۋ رەجيمىن رەتتەڭىز، تاڭعى جانە كەشكى استى ۋاقىتىلى ءىشىپ ۇيرەنىڭىز. ورازا باستالعانعا دەيىن بىرنەشە كۇن ءبىر ۋاقىتتا تاماقتانىپ، اۋىز بەكىتۋگە داعدىلانىڭىز.

ورازادا دۇرىس تاماقتانۋ ماڭىزدى. سارەسىدە - كۇردەلى كومىرسۋلار (بوتقا، قارا نان، كوكونىستەر)، اقۋىز (جۇمىرتقا، ەت، سۇزبە) جانە سۋ ىشكەن ءجون. ال اۋىزاشاردا اسقازانعا سالماق تۇسىرمەس ءۇشىن جەڭىل تاماقتاردان باستاۋ كەرەك ء(سۇت ونىمدەرى، قۇرما، سورپا). دۇرىس تاماقتانۋ ءسىزدىڭ قۋاتىڭىزدى ساقتاۋعا جانە كۇنى بويى ءوزىڭىزدى سەرگەك سەزىنۋگە كومەكتەسەدى.

باستاپقىدا قيىندىق سەزىنسەڭىز، ءوزىڭىزدى قيناماڭىز، باستىسى - نيەت پەن تالپىنىس.

ورازانىڭ تەك اشتىقپەن شەكتەلمەيتىنىن ءتۇسىنۋ ماڭىزدى.

بۇل - رۋحاني تازارۋ، ءوز-ءوزىڭدى باقىلاۋ جانە ىشكى جان دۇنيەڭدى دامىتۋ كەزەڭى. كوپتەگەن ادامدار ورازا ارقىلى جاڭا ادەت قالىپتاستىرىپ، ءوزىن جاڭا قىرىنان تانيدى.

ەگەر اينالاڭىزدا ورازا ۇستايتىن ادامدار بولسا، ولارمەن بىرگە ۇستاۋ سىزگە جەڭىل بولادى.

ءار كۇنىڭىزدى جەتىستىك رەتىندە قابىلداپ، ءوزىڭىزدى ماقتاپ وتىرىڭىز. ورازا ۇستاۋ - ەرىك-جىگەردى قاجەت ەتەتىن عيبادات، سوندىقتان كىشكەنتاي جەڭىسىڭىز ءۇشىن ءوزىڭىزدى ماراپاتتاڭىز. ءوزىڭىزدى قيناماي، بىرتىندەپ ۇيرەنۋ ماڭىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى