الاياقتاردىڭ قۇربانى بولعاندارعا مىڭ دوللار تولەنەتىنى راس پا؟
الەۋمەتتىك جەلىلەردە الاياقتاردىڭ ءىس-ارەكەتىنەن زارداپ شەككەن قازاقستاندىقتارعا 1000 دوللار كولەمىندە تولەم تولەنەتىنىنە كەپىلدىك بەرەتىن باعدارلامانىڭ جارناماسى تارالىپ جاتىر.
وندا ءتيىستى زاڭعا ەل پرەزيدەنتى قاسىم-جومارت توقايەۆ قول قويعانى ايتىلعان. بۇل - جالعان اقپارات، - دەپ حابارلايدى Massaget.kz ءتىلشىسى.
ق ر پرەزيدەنتىنىڭ رەسمي سايتىندا الاياقتاردىڭ قۇربانى بولعاندارعا 1000 دوللار كولەمىندە تولەم جاساۋعا كەپىلدىك بەرەتىن زاڭ تۋرالى اقپارات جوق.
ق ر پارلامەنتىنىڭ سايتىندا دا مۇنداي زاڭ تۋرالى ەشتەڭە جازىلماعان.
رەسپۋبليكالىق ب ا ق- تا تولەمدەر تۋرالى حابارلاعان جوق. الاياقتاردان زارداپ شەككەندەر تەز ارادا بانككە حابارلاسىپ، ورىندالعان اقشالاي ترانزاكسيانى جويۋعا بولاتىن-بولمايتىنىن انىقتاۋعا ءتيىس. ەگەر بۇل مۇمكىن بولماسا، جابىرلەنۋشى قۇقىق قورعاۋ ورگاندارىنا جۇگىنۋى كەرەك.
دەمەك، الاياقتاردىڭ قۇرباندارىنا تولەمدەر تولەنەتىنى تۋرالى حابارلاما - جالعان. مۇنداي نورما تۋرالى اقپارات جوق.
