الاياقتاردان قورعانۋ: پوليسەيلەر ەلوردالىقتارعا ءتۇسىندىرۋ جۇمىسىن جۇرگىزىپ جاتىر

پوليسيا قىزمەتكەرلەرى حالىقتى كيبەرقىلمىس تۇرلەرىمەن تانىستىرىپ، ولاردىڭ قارجىلىق ساۋاتتىلىعىن ارتتىرۋ ماقساتىندا تۇسىندىرمە جۇمىستارىن جۇرگىزەدى.

ساراپشىلار قۇرىلعى قاۋىپسىزدىگىن ۇنەمى جاڭارتىپ وتىرۋدىڭ، سەنىمدىرەك قۇپيا سوزدەردى پايدالانۋدىڭ جانە قورعالماعان ينتەرنەت جەلىلەرىنە قوسىلۋ كەزىندە اباي بولۋدىڭ ماڭىزدىلىعىن اتاپ ءوتتى.

استانانىڭ پوليسيا دەپارتامەنتى ەرىكتىلەردى تارتا وتىرىپ، الاياقتاردان ساقتاندىراتىن كىتاپشالاردى تاراتۋ بويىنشا ءتۇسىندىرۋ جۇرگىزىپ جاتىر.

- جەدەل-ىزدەستىرۋ ءىس- شارالارى بارىسىندا 5 الاياقتىق سحەما، سونداي- اق بۇرىن جاسالعان 10 قىلمىس اشىلدى. الدىن الۋ ماقساتىندا ەسكەرتۋ ماتەريالدارىن جاپپاي تاراتۋ ۇيىمداستىرىلدى. قالا كوشەلەرىندە ۇگىت- ناسيحات جۇمىستارى جۇرگىزىلۋدە. ناۋقانعا ۆولونتەرلار، بلوگەرلەر، ب ا ق وكىلدەرى مەن تانىمال تۇلعالار جۇمىلدىرىلدى، - دەپ اتاپ ءوتتى كيبەرقىلمىسپەن كۇرەس باسقارماسىنىڭ باستىعى، پوليتسيا پودپولكوۆنيگى تالعات بولەگەنوۆ.

سونداي-اق ول الاياقتىق سحەمالاردىڭ ءجيى كەزدەسەتىن تۇرلەرىن اتادى.

- ەڭ كوپ كەزدەسەتىندەر: بانكتەردىڭ، قۇقىق قورعاۋ ورگاندارىنىڭ، ۇلتتىق قاۋىپسىزدىك كوميتەتىنىڭ، ۇيالى بايلانىس وپەراتورلارىنىڭ قاۋىپسىزدىك قىزمەتى ماماندارىنىڭ اتىنان قوڭىراۋلار. ولار سونداي- اق WhatsApp مەسسەندجەرىنىڭ اككاۋنتتارىن بۇزادى، سودان كەيىن جابىرلەنۋشىنىڭ اتىنان قارىزعا اقشا بەرۋدى وتىنەتىن حابارلامالار جىبەرە باستايدى. OLX.kz, Satu.kz ساۋدا الاڭدارى ارقىلى تاۋار نەمەسە قىزمەت ساتاتىندار الاياقتاردىڭ كوزىنە ءجيى تۇسەدى. مۇندا الاياقتار كوبىنەسە تاۋار ءۇشىن اۆانستىق تولەمدى اۋدارۋدى نەمەسە ونى جەتكىزۋ سىلتەمەسىن ورىنداۋدى سۇرايدى. Instagram, TikTok الەۋمەتتىك جەلىلەرى ارقىلى تاۋارلاردى ساتۋ الاياقتاردىڭ سۇيىكتى ورنى ەكەنىن اتاپ وتكىم كەلەدى. ادەتتە، اككاۋنتتاردىڭ جالعان نۇسقالارى اشىلادى، وندا ولار تاۋاردىڭ تولىق قۇنىن تولەۋدى سۇرايدى. الاياقتار جۇرتتى كريپتوۆاليۋتا مەن باعالى قاعازدارعا ينۆەستيتسيالاۋعا دا ءجيى تارتادى، - دەپ ەسكەرتتى تالعات بولەگەنوۆ.

ەسكە سالا كەتەيىك، بۇعان دەيىن ينتەرنەت الاياقتارىنا الدانعانداردىڭ اقشاسىن الىپ، وزگەلەرگە اۋدارعان اقتوبەلىك ۇستالعانىن حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى