الاتاۋ قالاسىن سالۋعا قاراجات قايدان الىنادى

ءمينيستردىڭ ايتۋىنشا، الاتاۋ قالاسىنداعى قۇرىلىسقا تۇركىستانعا ينۆەستيتسيا تارتۋ تاسىلىمەن اقشا تارتىلماق.

- قالا بيۋدجەت اقشاسىنا سالىنبايتىنى تۇسىنىكتى. بۇل اقىلعا قونىمسىز بولار ەدى. ءبىز ول جەردە ارنايى ەكونوميكالىق ايماقتار قۇرامىز. جالپى قالانىڭ ءوزىن ارنايى ەكونوميكالىق ايماق دەپ ايتۋعا بولادى. الاتاۋ قالاسى وسى قاعيداتپەن سالىنادى، - دەدى ول جۋرناليست سۇراعىنا بەرگەن جاۋاپتا.

بۇل قالا بيۋدجەت اقشاسى تەك مەملەكەتتىك ورگانداردىڭ جۇمىسىن ۇيىمداستىرىپ، عيماراتتارىن كۇتىپ ۇستاۋعا جۇمسالماق.

- جالپى قالالىق ينفراقۇرىلىم دەگەن بار. ول دا ءىشىنارا بيۋدجەتتەن قارجىلاندىرىلادى. قازىر بۇكىل وڭىرلەردە سونداي ءتاسىل جولعا قويىلعان. ارينە، بيۋدجەت اقشاسىنا قوناي ءۇي سالىپ، مەيرامحانا اشپايمىز. ونى بيزنەس ىستەۋ كەرەك. سول ءۇشىن ەرەكشە جاعداي جاسالىپ، جەڭىلدىكتەر بەرىلەدى، - دەدى نۇرلان بايبازاروۆ.

ۆيتسە-پرەمەر قۇرىلىس ەندى باستالعاندىقتان الاتاۋدىڭ تولىق قالا رەتىندە قالىپتاسۋىنا قانشا قاراجات كەتەتىنىن ءدوپ باسىپ ايتۋ مۇمكىن ەمەستىگىن اتاپ ءوتتى.

بۇعان دەيىن حابارلاعانىمىزداي، بيىل ماجىلىسكە ءۇش زاڭ تازا قازاق تىلىندە ازىرلەنىپ تۇسكەنى ءمالىم بولدى.

ەسىمجان ناقتىباي

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى