الاكولدە كۇشتى جەل تۇرىپ، جارىلعان مۇز ۇستىندە كەتكەن بالىقشىنىڭ دەنەسى تابىلدى
تالدىقورعان. KAZINFORM - جەتىسۋلىق قۇتقارۋشىلار سۋدان مەرت بولعان بالىقشىنىڭ دەنەسىن الىپ شىقتى.
وڭىرلىك توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، 28- ناۋرىز كۇنى جايپاق اۋىلىنان 5 شاقىرىم جەردە الاكول كولىندە جەل كۇشەيىپ، بالىقشى تۇرعان جەردەگى مۇز جارىلعان.
«ت ج د قۇتقارۋشىلارى بولعان وقيعادان حاباردار بولىسىمەن بىردەن ىزدەۋ جۇمىستارىنا كىرىستى. بۇگىن ساعات 14:54 كەزىندە قۇتقارۋشىلار بالىقشىنىڭ دەنەسىن سۋدان الىپ شىقتى»، - دەلىنگەن ت ج د باسپا ءسوز-بايانىندا.
وسى رەتتە ت ج د وكىلدەرى تاپ قازىرگىدەي كۇن جىلىنعان تۇستا مۇزدىڭ وتە جۇقا جانە وتە قاۋىپتى ەكەنىن ەسكەرتتى.
وسىعان دەيىن ەكىباستۇزدا بالىق اۋلاۋعا شىققان ەر ادامنىڭ سۋعا باتىپ كەتكەنىن جازعان بولاتىنبىز.
اۆتور
ايدار وسپاناليەۆ
