پاۆەل دۋروۆتىڭ سوتى ءبىر جىلدان ەرتە وتپەيدى - فرانسيا پروكۋراتۋراسى

باسىلىم اتاپ وتكەندەي، پاۆەل دۋروۆتى قاماۋعا الۋمەن اياقتالعان ءىس وتكەن قىستا ءبىر تەرگەۋدەن باستالعان.

تەرگەۋشىلەردىڭ سوزىنشە، بۇل Telegram-دا كامەلەتكە تولماعان قىزداردى قۋدالاعان كۇدىكتىنىڭ جەكە باسىن انىقتاۋ وپەراتسياسى بولدى. سونداي-اق ول پلاتفورمادا جاس قىزدى زورلاعانىن مويىندادى.

تەرگەۋشىلەر Telegram نان كۇدىكتىنىڭ مالىمەتتەرىن سۇراتقان كەزدە كومپانيا باس تارتتى، دەپ حابارلايدى Politico.eu.

پروكۋراتۋرا وكىلى مەيليس دە رەك Wired باسىلىمىنا كۇدىكتىنى انىقتاۋعا كومەكتەسۋ ءۇشىن تەرگەۋشىلەردىڭ Telegram عا حابارلاسقانىن راستادى. سونىمەن قاتار ول كومپانيانىڭ باسقا قۇقىق قورعاۋ ورگاندارىنىڭ وتىنىشتەرىنە دە جاۋاپ بەرمەگەنىن اتاپ ءوتتى.

- ەگەر بۇل ءبىر عانا وقيعا بولسا، ءبىز Telegram تۋرالى ەشتەڭە ويلاماس ەدىك، - دەپ ءتۇسىندىردى دەرەك. - ءبىراق ماسەلە، بۇل ءار ۋاقىتتا، ءار ەلدە قايتالانىپ تۇرعانىندا.

Libération مالىمەتىنشە، ءبىر عانا فرانسۋز جاندارمەرياسى 2013-2024-جىلدار ارالىعىندا Telegram-دا جاۋاپسىز قالعان 2460 جاعدايدى تىركەگەن.

مەيليس دە رەك WIRED- كە ونىڭ كومانداسى Telegram جاۋاپ بەرمەگەندىكتەن ءارتۇرلى ۆەدومستۆولاردا قانشا تەرگەۋ ءجۇرىپ جاتقانىن تۇسىنگەننەن كەيىن، قاماۋعا الۋ تۋرالى شەشىم قابىلدانعانىن ايتتى.

دەرەك فرانسياداعى سوت پروتسەسى كەم دەگەندە ءبىر جىل ىشىندە باستالمايتىنىن العا تارتتى. ونىڭ ايتۋىنشا، ىقتيمال كەلىسىم تۋرالى ايتۋ ءالى ەرتە. قازىرگى ۋاقىتتا دۋروۆ فرانسيادا.

پاۆەل دۋروۆ 24-تامىزدا پاريجدەگى لەبۋرجە اۋەجايىندا بالالارعا قارسى قىلمىسقا، ەسىرتكى ساۋداسىنا جانە الاياقتىققا قاتىسى بار دەگەن ايىپپەن قاماۋعا الىندى.

وعان 12 ءتۇرلى ايىپ تاعىلعانى انىقتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى