پاكىستاندىقتار قازاقستاندىق پيازدى كوبىرەك الاتىن بولدى
استانا. KAZINFORM - بۇگىندە قازاقستاندا 130 مىڭ تونناعا جۋىق پياز بولسا، ونىڭ باسىم بولىگى جامبىل وبلىسىنا تيەسىلى.
بۇل رەتتە، ق ر اۋىل شارۋاشىلىعى مينيسترلىگى پيازدى پاكىستان، رەسەي جانە بالتىق جاعالاۋى ەلدەرىنە ەكسپورتتاۋ ماسەلەسىن پىسىقتاۋدا.
بۇل تۋرالى ورتالىق كوممۋنيكاتسيالار قىزمەتىندە وتكەن دوڭگەلەك ۇستەل بارىسىندا ق ر اۋىل شارۋاشىلىعى ۆيتسە-ءمينيسترى ەربول تاسجۇرەكوۆ ايتتى.
- بۇل ماسەلە ق ر ساۋدا جانە ينتەگراتسيا مينيسترلىگىمەن بىرلەسىپ پىسىقتالىپ جاتىر. پيازدى سىرتقى نارىقتا ساتۋدى قامتاماسىز ەتۋ «QazTrade» ساۋدا ساياساتىن دامىتۋ ورتالىعى» ا ق- عا تاپسىرىلدى. بۇگىندە پاكىستانعا، رەسەيگە جانە بالتىق جاعالاۋى ەلدەرىنە پياز جەتكىزۋ ءىسى بەلسەندى جالعاسۋدا،- دەدى ەربول تاسجۇرەكوۆ.
ايتا كەتەيىك، بۇعان دەيىن ق ر اۋىل شارۋاشىلىعى ءمينيسترى ايداربەك ساپاروۆ الەمدە پياز باعاسى مەن ەكسپورت كولەمى تومەندەپ، گرۋزيا مەن ازەربايجانعا 160 مىڭ توننا پياز ەكسپورتتاۋ قاجەت ەكەنىن ايتقان بولاتىن.
