پاكىستان پرەمەر- ءمينيسترى بىشكەكتە بولعان وقيعاعا الاڭداۋشىلىق ءبىلدىردى
استانا. KAZINFORM - پاكىستان پرەمەر- ءمينيسترى شاحباز شاريف قىرعىز رەسپۋبليكاسىنىڭ استاناسىندا بولعان شەتەلدىك ازاماتتارعا قاتىستى وقيعانى باسا نازاردا ۇستاپ وتىرعانىن ايتتى. بۇل تۋرالى 24.kg جازدى.
- بىشكەك قالاسىنداعى پاكىستاندىق ستۋدەنتتەرگە قاتىستى جاعدايعا قاتتى الاڭداپ وتىرمىز. مەن پاكىستان ەلشىسىنە بارلىق قاجەتتى قولداۋ مەن كومەك كورسەتۋدى تاپسىردىم. ەلشىلىكپەن بايلانىستامىز جانە جاعدايدى ۇنەمى قاداعالاپ وتىرامىز»، - دەپ جازدى شاحباز شاريف ح جەلىسىندە.
بىشكەكتە 13-مامىردا حوستەل قوناقتارى اراسىنداعى توبەلەستەن باستالعان شيەلەنىستى جاعدايدىڭ سوڭى جاپپاي تارتىپسىزدىككە ۇلاسقان بولاتىن.
اۆتور
ابىلايحان جۇماشيەۆ
