اۋەكومپانياسىنىڭ باسشىسى ورالدا ەگىزدەردىڭ اناسى جازيرا مۋسينامەن كەزدەستى

«FlyArystan اۋەكومپانياسىنىڭ باسشىسى ريچارد لەدجەر 21 -شىلدەدە «استانا-ورال» رەيسىنە جىبەرىلمەگەن 12 جاسار قىز زەرە گاليەۆانىڭ اناسىمەن كەزدەسۋ ءۇشىن ارنايى ورال قالاسىنا ۇشىپ كەلدى. تاراپتار بولعان جاعدايدىڭ سەبەپتەرىن ەگجەي- تەگجەيلى تالقىلادى. FlyArystan اۋەكومپانياسىنىڭ رەسمي وكىلى قىزدىڭ وتباسىنان كەشىرىم سۇرادى. كەزدەسۋدە كولىك مينيسترلىگىنىڭ قىزمەتكەرلەرى دە بولدى. اۋەكومپانيا كەزدەسۋ ناتيجەسىمەن جانە قابىلداعان شەشىمدەرىمەن الداعى ۋاقىتتا بولىسەدى»، - دەلىنگەن حابارلامادا.

ەسكە سالا كەتەيىك، بۇعان دەيىن ورال قالاسىنىڭ قوس تۇرعىنى، ەگىزدەر - زاۋرە مەن زەرە امەريكاداعى ءتىل مەكتەبىنەن استانا ارقىلى كەرى ۇشىپ شىققانىن، ەلورداعا امان جەتكەن قوس جاسوسپىرىمنىڭ ءبىرى استانا - ورال باعىتىندا ۇشقان «FlyArystan» اۋەكومپانياسىنىڭ ۇشاعىنان قالىپ قويعانىن جازعان بولاتىنبىز.

بۇل وقيعانى ەستىگەن وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى FlyArystan ۇشاعىنا جىبەرىلمەي، اۋەجايدا جالعىز قالعان 12 جاسار قىزدىڭ اناسىنا حابارلاسىپ، قاجەتتى پسيحولوگيالىق كومەك ۇسىنعان بولاتىن.

اۆتور

باقىتگۇل اباي قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى