اجار عينيات بالالاردى قىزىلشاعا قارسى ۋاقىتىلى ۆاكسينالاۋعا شاقىردى

«بۇگىن نەمەرەم ەكەۋمىز الەمنىڭ كوپتەگەن ەلدەرىندەگىدەي ءبىزدىڭ ەلىمىزدەگى قولايسىز ەپيدەميولوگيالىق جاعدايدى ەسكەرە وتىرىپ، قىزىلشاعا قارسى ەكپە الۋ ءۇشىن قالالىق ەمحاناعا كەلدىك. سونىمەن قاتار قازاقستاندا ەپيدەميولوگيالىق جاعدايدىڭ ناشارلاۋى قىركۇيەك ايىنان باستاپ بايقالدى، بالالار ۇزاق ۋاقىت جابىق ءۇي- جايلاردا وتكىزەتىن مەكتەپكە باردى»، - دەدى مينيستر بۇگىن استانا قالاسىنىڭ 9 ەمحاناسىندا.

ول بۇل ينفەكسيانىڭ اسىرەسە جۇقپالى ەكەنىن، جوتەلگەندە، تۇشكىرگەندە اۋا تامشىلارى ارقىلى تەز بەرىلەتىنىن اتاپ ءوتتى.

«سوندىقتان ءبىز سوڭعى ەكى ايدا بۇل اۋرۋدىڭ كۇرت وسكەنىن كورىپ وتىرمىز. 13 مىڭنان استام ادام اۋىرىپ قالدى، ونىڭ 83 پايىزى نەگىزىنەن 5 جاسقا دەيىنگى بالالار، ەگىلمەگەن ەرەسەكتەر دە بار»، - دەپ جالعاستىردى دەنساۋلىق ساقتاۋ مينيسترلىگىنىڭ باسشىسى.

بۇل جاعدايدا ناۋقاستاردىڭ 70 پايىزى ەگىلمەگەن بالالار.

«ولاردىڭ كوپشىلىگى، ياعني 60 پايىزى ۆاكسيناتسيالاۋدان باس تارتۋعا بايلانىستى ەگىلمەگەندەر، مەديتسينالىق قارسى كورسەتىلىمدەرگە بايلانىستى 18 پايىز ەگىلمەگەندەر، 22 پايىز ەگۋ جاسىنا جەتپەگەندەر. بۇگىنگى تاڭدا بارلىعى 2013 بالا، ونىڭ ىشىندە 30 بالا اۋىر جاعدايدا ەمدەۋگە جاتقىزىلدى»، - دەدى مينيستر.

ا. عينياتتىڭ ايتۋىنشا، قىزىلشامەن سىرقاتتانۋشىلىقتىڭ ءوسۋى اياسىندا قوسىمشا يممۋنداۋ جۇرگىزۋ تۋرالى شەشىم قابىلداندى. ول قاڭتار ايىنىڭ سوڭىنا دەيىن سوزىلادى، ۆاكسينا جەتكىلىكتى.

«قىزىلشاعا قارسى پروفيلاكتيكالىق ەكپەسى جوق بالالاردى ەگەمىز، ينفەكسيا وشاقتارىندا ەكپە الماعان بايلانىستا بولعانداردى ەگەمىز. بارشاڭىزدى اۋرۋدان ساقتانۋ ءۇشىن ەمحاناعا شاقىرامىز»، - دەدى مينيستر.

دەنساۋلىق ساقتاۋ ءمينيسترى ينفەكسيالىق اۋرۋدىڭ سالدارى تۋرالى ەسكەرتتى.

«قىزىلشا پنيەۆمونيا، ءتۇرلى قابىنۋ، وتيت سەكىلدى، سوقىرلىققا دەيىن قاۋىپتى اسقىنۋلارعا اكەلۋى مۇمكىن. بۇگىنگى تاڭدا قىزىلشانى ەمدەۋدىڭ وزىنە ءتان ەمى جوق، سوندىقتان مۇنداي قاۋىپتى ينفەكسيادان ساقتانۋدىڭ جالعىز جولى - تەك ۆاكسيناتسيالاۋ. ۆاكسينانىڭ وزىنەن قورىقپاۋ كەرەك، ول تەكسەرىلگەن، ءبىز ونى جىل سايىن ۇلتتىق ەگۋ كۇنتىزبەسىنە سايكەس قولدانامىز»، - دەپ قورىتىندىلادى ۆەدومستۆو باسشىسى.

ۆاكسيناتسيالاۋ ەرەجەلەرىنە سايكەس يممۋنداۋ پەدياتر بالانى تەكسەرگەننەن كەيىن عانا جۇرگىزىلەدى. وعان انامنەز جيناۋ، تەمپەراتۋرانى ولشەۋ، ەگىلەتىن ادامنىڭ جاعدايىن باعالاۋ كىرەدى. سودان كەيىن ەگۋگە اقپاراتتاندىرىلعان كەلىسىمگە قول قويىلادى. ارى قاراي يممۋنداۋدان كەيىن 30 مينۋتتىڭ ىشىندە ەگىلگەن نارەستە دارىگەرلەردىڭ باقىلاۋىندا بولادى.

قىزىلشاعا قارسى پروفيلاكتيكالىق ەگۋ كۇنتىزبەسىنە سايكەس جوسپارلى تۇردە ەكى رەت ەگىلەدى: بالا العاشقى ەگۋدى 12-15 ايلىعىندا، ەكىنشىسىن 6 جاستا الادى.

وسى جىلى دمي شەڭبەرىندە ۆاكسيناتسيالاۋ حالىقتىڭ مىناداي توپتارىنا: 6 ايدان باستاپ 10 اي 29 كۇن بولعان بالالارعا، 2 جاستان باستاپ 4 جاس 11 اي 29 كۇن بولعان بالالارعا، سونداي-اق بۇرىن ەگىلمەگەن مەديتسينا قىزمەتكەرلەرىنە (55 جاسقا دەيىن)، پروفيلاكتيكالىق ەگپە الماعان 18 جاسقا دەيىنگى ادامدارعا جۇرگىزىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى