افينانىڭ ەڭ بيىك نۇكتەسىندە قازاقستان تۋى جەلبىرەدى
رەسپۋبليكا كۇنىنە وراي قازاقستاننىڭ كوك تۋى افينانىڭ ەڭ بيىك نۇكتەسى - ليكاۆيتوس تاۋىنا كوتەرىلدى.
Kazinform بۇل تۋرالى ق ر سىرتقى ىستەر مينيسترلىگىنە سىلتەمە جاساپ حابارلايدى.
گرەكيا استاناسىنىڭ تۇرعىندارى مەن قوناقتارى تەڭىز دەڭگەيىنەن 277 مەتر بيىكتىكتە ورناتىلعان قازاقستان تۋىن تاماشالادى.
گرەكتەر ءۇشىن كونە دە كيەلى جەردە قازاق تۋىنىڭ كوتەرىلۋى ەكى ەل اراسىنداعى دوستاستىقتى بىلدىرەدى.
«ەرەكشە قۇتتىقتاۋدى قازاقستان- گرەكيا ىسكەرلىك كەڭەسى ۇيىمداستىردى. ونىڭ باستى ماقساتى - ساۋدا، ينۆەستيتسيا جانە مادەنيەت سالالارىنداعى ەكى ەل اراسىنداعى ىنتىماقتاستىقتى ىلگەرىلەتۋ»، - دەلىنگەن حابارلامادا.
