ۆاشينگتون سوتى ترامپتى شەتەلدىك كومەكتى قالپىنا كەلتىرۋگە مىندەتتەدى
استانا. KAZINFORM - دونالد ترامپتىڭ ا ق ش- تىڭ شەتەلدىك باعدارلامالارىن 90 كۇنگە توقتاتۋدى كوزدەيتىن جارلىعىنىڭ كۇشىن جويۋ تۋرالى سوت شەشىمى شىقتى، دەپ حابارلايدى Kazinform DW- گە سىلتەمە جاساپ.
ۆاشينگتوننىڭ وكرۋگتىك سوتى ا ق ش پرەزيدەنتى دونالد ترامپتىڭ اكىمشىلىگىن 90 كۇنگە سىرتقى كومەك باعدارلامالارىن توقتاتا تۇراتىن بۇيرىقتىڭ كۇشىن جويۋعا جانە مۇنداي باعدارلامالاردى قايتا قولعا الۋعا مىندەتتەدى. بۇل تۋرالى 13-اقپان كۇنى Associated Press (AP) حابارلادى. وسىلايشا، بۇل امەريكا قۇراما شتاتتارىنىڭ حالىقارالىق دامۋ اگەنتتىگىن (USAID) قارجىلاندىرۋدى توقتاتۋعا قاتىستى ءبىرىنشى ۇكىم.
فەدەرالدى سۋديا امير ءالي شەتەلدەگى «كەنەتتەن جابىلىپ قالعان ۇيىمدارعا وراسان زيان كەلتىرىلگەنىن» نەگىزگە الا وتىرىپ، USAID تەن قارجى الاتىن ەكى حالىقارالىق ۇيىم – ج ي ت س- كە قارسى ۆاكسينادان قورعاۋ كواليتسياسى جانە جاھاندىق دەنساۋلىق ساقتاۋ كەڭەسى بەرگەن تالاپ بويىنشا ۋاقىتشا بۇيرىق شىعاردى.
ايتا كەتەيىك، بۇعان دەيىن ترامپ اكىمشىلىگىنىڭ وكىلدەرى مۇنداي قارجىلاندىرۋ باعدارلامالارىن مۇقيات زەردەلەپ شىعۋ ءۇشىن توقتاتا تۇرىپ، سودان كەيىن ونى جالعاستىرۋ كەرەك- كەرەكسىزدىگىن شەشۋ قاجەت دەپ مالىمدەگەن.
وسىعان دەيىن ترامپتىڭ Reuters اگەنتتىگىنەن ۇكىمەتتەن العان 9 ميلليون دوللار قارىزىن قايتارۋدى تالاپ ەتكەنى تۋرالى جازدىق.
