ادىلەت مينيسترلىگى سوت ورىنداۋشىلارىنا تالاپتى قاتاڭداتپاق

سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ۆيتسە-ءمينيستردىڭ ايتۋىنشا، ادىلەت مينيسترلىگى اليمەنت ءوندىرۋ كورسەتكىشىن جاقسارتۋ ءۇشىن ۇنەمى جۇيەلى شارالاردى قابىلداپ كەلەدى.

- قازىرگى ۋاقىتتا ءماجىلىس سوت-اتقارۋشىلىق ءوندىرىستى جەتىلدىرۋگە باعىتتالعان زاڭ جوباسىن قاراستىرىپ جاتىر. سوت ورىنداۋشىلارىنا تالاپ قاتاڭداتىلاتىن بولادى. مۇنان بولەك، ادىلەت مينيسترلىگى رەتتەلەتىن بارلىق سالانى سيفرلاندىرۋ بويىنشا بەلسەندى ءىس-شارالاردى جۇزەگە اسىرۋدا، - دەدى ول.

تاياۋدا ادىلەت مينيسترلىگىنىڭ ماجبۇرلەپ ورىنداتۋ كوميتەتى سوڭعى ۋاقىتتا ءوزىن سوت ورىنداۋشىسى رەتىندە تانىستىرىپ، مينيسترلىكتىڭ ەمبلەماسىن زاڭسىز پايدالاناتىن جاعدايلار جيىلەگەنىن ەسكەرتكەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى