ادىلەت مينيسترلىگى الاياقتىقتىڭ جولىن قالاي كەسۋگە بولاتىندىعىن ءتۇسىندىردى

«االاياقتىق جاعدايلارى جيىلەپ كەتكەنىن حابارلاعىم كەلەدى. جالعان قىزمەتكەرلەر سوت ورىنداۋشىسى بولىپ ازاماتتاردان قارىزدى وتەۋدى تالاپ ەتىپ، شوتتاردى جانە مۇلىكتى بۇعاتتاۋ تۋرالى حابارلاۋدا. ەگەر سىزگە وسىنداي قوڭىراۋ تۇسسە نەمەسە حابارلاما كەلسە، اقپاراتتى ادىلەت مينيسترلىگىنىڭ، رەسپۋبليكالىق نەمەسە وڭىرلىك جەكە سوت ورىنداۋشىلار پالاتاسىنىڭ رەسمي سايتتارىندا ءوز بەتىڭىزشە تەكسەرىپ، قاجەت بولعان جاعدايدا بانككە قوڭىراۋ شالۋدى ۇسىنامىز»، - دەدى تالعات ءۋالي.

ونىڭ ايتۋىنشا، اتقارۋشىلىق ءىس جۇرگىزۋدىڭ بار-جوعى تۋرالى مالىمەتتەردى تەكسەرۋ ءۇشىن ينتەرنەت جەلىسىنە اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسى دەپ جازىپ، «بورىشكەرلەر مەن تىيىمدار ءتىزىلىمى» باتىرماسىن تاڭداپ، ءوز ج س ن- ءىڭىزدى ەنگىزۋىڭىز. وسىعان ۇقساس ىزدەۋدى «ايس ويپ» قوسىمشاسى ارقىلى جۇزەگە اسىرۋعا بولادى.

«ەگەر بورىشكەر بولساڭىز، وندا قارىزىڭىز تۋرالى اقپارات، سوت ورىنداۋشىسىنىڭ اتى- ءجونى جانە ونىڭ تەلەفونى كورسەتىلەدى. ال بورىشكەر بولماساڭىز، وندا قىزعىلت سارى تۇسپەن «سۇرانىس بويىنشا ەشتەڭە تابىلمادى» دەگەن جازۋ شىعادى. بۇل شوتتارىڭىز بەن مۇلىكتەرىڭىزگە ەشكىم تىيىم سالماعانىن جانە سالا المايتىنىن بىلدىرەدى. تەك رەسمي دەرەككوزدەرگە سەنىڭىز، بەلگىسىز ادامدارعا دەرەكتەردى بەرمەڭىز»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى