ادىلەت مينيسترلىگى الاياقتاردان ساق بولۋعا شاقىرادى

الاياقتار ازاماتتارعا حابارلاسىپ، اتقارۋشىلىق قۇجاتتاردىڭ تالاپتارىن ورىنداۋدى، بانك شوتتارىن بۇعاتتاپ، جۇرگىزۋشى كۋالىگىن توقتاتا تۇرۋمەن جانە ت. ب. ءتۇرلى جولدارمەن قورقىتا وتىرىپ، بەرەشەكتى وتەۋدى تالاپ ەتەدى.

مۇنداي قوڭىراۋلار كەلىپ تۇسكەن جاعدايدا اتقارۋشىلىق ءىس جۇرگىزۋدىڭ مەملەكەتتىك اۆتوماتتاندىرىلعان اقپاراتتىق جۇيەسىندە (https://aisoip.adilet.gov.kz/) نەمەسە АИС ОИП موبيلدى قوسىمشاسى ارقىلى اتقارۋشىلىق ءىس جۇرگىزۋدىڭ بار نەمەسە جوقتىعىنا كوز جەتكىزۋ قاجەتتىگىن ەسكەرتەدى.

سونىمەن قاتار، مەملەكەتتىك جانە جەكە سوت ورىنداۋشىلارىنىڭ بايلانىس دەرەكتەرىن ءسىز كەلەسى سىلتەمەلەرگە ءوتۋ ارقىلى  الۋىڭىزعا بولادى.

الاياقتاردىڭ زاڭسىز ارەكەتتەرىنىڭ الدىن الۋ ءۇشىن مينيسترلىك تەك رەسمي دەرەك كوزدەرىنەن الىنعان مالىمەتتەرگە عانا سەنۋدى جانە دەربەس دەرەكتەردى ءۇشىنشى تۇلعالارعا جانە كۇماندى ينتەرنەت-رەسۋرستارعا بەرمەۋىڭىزدى ەسكەرتەدى.

سونىمەن قاتار، قوسىمشا اقپارات الۋ ءۇشىن مينيسترلىكتىڭ قۇقىقتىق اقپاراتتىق قىزمەتىنە (87172580058) ءنومىرى بويىنشا حابارلاسۋعا بولادى.

اۆتور

باقىتگۇل اباي قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى