ادەبيەت بويىنشا نوبەل سىيلىعى ماجارستان جازۋشىسى لاسلو كراسناحوركايعا بەرىلدى

لاسلو كراسناحوركاي - ورتالىق ەۋروپا داستۇرىندەگى كافكادان توماس بەرنحاردقا دەيىنگى جانە ابسۋرديزم مەن گروتەسكىلىك شەكتەن شىعۋشىلىقپەن سيپاتتالاتىن ەپيكالىق شىعارمالاردىڭ اۆتورى. نوبەل كوميتەتى جازۋشىنىڭ وزگە دە شىعارماشىلىق قىرى مەن قارىم-قابىلەتتەرىن جوعارى باعالادى.

ەسكە سالا كەتسەك، ادەبيەت بويىنشا 2024-جىلعى نوبەل سىيلىعى وڭتۇستىك كورەيالىق جازۋشى حان گانعا «تاريحي اۋىرتپالىقتارعا قارسى تۇراتىن جانە ادام ءومىرىنىڭ نازىكتىگىن اشكەرەلەيتىن قارقىندى، پوەتيكالىق پروزاسى ءۇشىن» بەرىلدى.

2025-جىلدىڭ لاۋرەاتتارى

نوبەل اپتالىعى 6-قازاندا باستالدى. بۇل كۇنى فيزيولوگيا جانە مەديتسينا سالاسىنداعى نوبەل سىيلىعى يممۋنيتەت جۇيەسىن زەرتتەگەندەرگە بەرىلدى.

7-قازاندا 2025-جىلعى فيزيكا سالاسىنداعى نوبەل سىيلىعى امەريكالىق ۋنيۆەرسيتەتتەردىڭ كۆانتتىق فيزيكتەرىنە: ۇلى بريتانيادان دجون كلاركقا، فرانسيادان ميشەل ديەۆورە جانە ا ق ش- تان دجون مارتينيسكە بەرىلدى.

8-قازان كۇنى حيميا بويىنشا نوبەل سىيلىعىنىڭ لاۋرەاتتارى بەلگىلى بولدى. 10-قازاندا وسلودا بەيبىتشىلىك سالاسىنداعى نوبەل سىيلىعىنىڭ لاۋرەاتى، ال 13-قازاندا - 1968-جىلى شۆەتسيا بانكى قۇرعان الفرەد نوبەلدى ەسكە الۋعا ارنالعان ەكونوميكا عىلىمدارى بويىنشا نوبەل سىيلىعىنىڭ لاۋرەاتى جاريالانادى.

حيميا سالاسىنداعى نوبەل سىيلىعى مەتالدى ورگانيكالىق كاركاس ويلاپ تاپقاندارعا بەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى