ادامزات تاريحي جولايرىقتا تۇر - قاسىم-جومارت توقايەۆ

- تاعى دا قايتالاپ ايتامىن: قازىر ادامزات جاڭا ءداۋىردىڭ سيپاتى ايقىندالاتىن تاريحي جولايرىقتا تۇر. العا قاراي قارىشتاپ دامۋعا قازاقستاننىڭ مۇمكىندىگى جەتەدى. قازىر جەر شارىنىڭ تۇرعىندارى قارتايىپ بارا جاتىر. وسى تۇرعىدان العاندا، قازاقستاندى جاس ءارى ءبىلىمدى ازاماتتاردىڭ ەلى دەپ ايتۋعا بولادى.

جەر كولەمى جونىنەن الەمدە توعىزىنشى ورىن الاتىن ەلىمىزدىڭ، جالپى، كولىك- ترانزيت سالاسىندا زور مۇمكىندىكتەرى بار. بۇل - ايرىقشا نازار اۋدارۋدى تالاپ ەتەتىن ستراتەگيالىق باعىت، - دەدى مەملەكەت باسشىسى.

ول ءۇشىن ەلىمىزدە ءبىلىم مەن يننوۆاتسياعا نەگىزدەلگەن دامىعان ءارى جوعارى تەحنولوگيالىق ەكونوميكا قالىپتاسۋى كەرەك.

- ءبىز ەلىمىزدىڭ الەۋەتىن نىعايتا ءتۇسۋىمىز كەرەك، ياعني ازاماتتاردىڭ مۇڭ-مۇقتاجىنا قۇلاق اساتىن جانە ەڭ باستىسى، ماسەلەنى ءتيىمدى شەشە الاتىن الەۋەتى مىقتى ەل بولۋىمىز قاجەت.

سوندىقتان ءبىلىم مەن يننوۆاتسياعا نەگىزدەلگەن دامىعان ءارى جوعارى تەحنولوگيالىق ەكونوميكا قۇرۋعا ءتيىسپىز. مۇنىڭ ءبارى ازاماتتار ءۇشىن جاسالادى. سەبەبى ادام - ءبىزدىڭ مەملەكەتىمىز ءۇشىن ەڭ باستى قۇندىلىق، - دەدى قاسىم- جومارت توقايەۆ.

2019-جىلدان بەرى قازاقستان ەكونوميكاسىنىڭ ناقتى ءوسىمى %15,5 بولدى.

− بۇل ارالىقتا ەلىمىزدىڭ ىشكى جالپى ءونىمى 288 ميلليارد دوللارعا جەتتى، ال جان باسىنا شاققانداعى ىشكى جالپى ءونىم %46 جۋىق ارتىپ، 14 مىڭ دوللاردان استى. سىرتقى ساۋدا اينالىمى %45 جۋىق ءوسىپ، 140 ميلليارد دوللار بولدى. نەگىزگى كاپيتالعا سالىناتىن ينۆەستيتسيا 1,5 ەسەگە ۇلعايدى. بىلتىر ونىڭ كولەمى 19 تريلليون تەڭگەدەن استى، − دەدى قاسىم-جومارت توقايەۆ.

ال ينۆەستيتسيا ءبىلىم- عىلىم سالاسىنا 5 ەسەدەن استام، كولىك سالاسىنا 3 ەسەگە جۋىق، دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنا 3,5 ەسە كوپ سالىنعان.

− وسى ۋاقىتتا 500-دەن استام مەكتەپ بوي كوتەردى. كوپتەگەن دەنساۋلىق ساقتاۋ، سپورت جانە باسقا دا الەۋمەتتىك نىساندار اشىلدى. 4400 شاقىرىمعا جۋىق اۆتوكولىك جولدارى سالىندى جانە جوندەلدى. جاڭا تەمىر جول جەلىلەرى پايدالانۋعا بەرىلدى. ونداعان ءوندىرىس ورنى ىسكە قوسىلدى، − دەپ تولىقتىردى مەملەكەت باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى