ادامنىڭ ار-نامىسىنا تيگەنى ءۇشىن سالىناتىن ايىپپۇل سوماسى ازايدى
بىشكەك. KAZINFORM - پارلامەنتتىڭ قۇقىقتىق ءتارتىپ، قىلمىسقا قارسى كۇرەس جانە سىبايلاس جەمقورلىققا قارسى ءىس-قيمىل كوميتەتى ەكىنشى وقىلىمدا ب ا ق جانە ينتەرنەتتە قورلاۋ نەمەسە جالا جابۋ ءۇشىن ايىپپۇل سالۋ تۋرالى زاڭ جوباسىن ماقۇلدادى، دەپ حابارلايدى Kazinform مەنشىكتى ءتىلشىسى.
بۇقارالىق اقپارات قۇرالدارىندا جانە ينتەرنەت سايتتارىنداعى قورلاۋ نەمەسە جالا جابۋ ءۇشىن زاڭ جوباسىندا باستاپقىدا جەكە تۇلعالارعا 1000 ەسەپتىك كورسەتكىش (100 مىڭ سوم)، زاڭدى تۇلعالارعا - 2000 ەسەپتىك كورسەتكىش (200 مىڭ سوم) مولشەرىندە ايىپپۇل سالۋ قاراستىرىلعان.
ۇزاق تالقىلاۋدان كەيىن جەكە تۇلعالارعا سالىناتىن ايىپپۇل 20 مىڭ سومعا، زاڭدى تۇلعالارعا - 65 مىڭ سومعا دەيىن تومەندەتىلدى.
ەنگىزىلگەن ۇسىنىستارعا سايكەس، ىشكى ىستەر مينيسترلىگى قۇقىق بۇزۋشىلىقتار تۋرالى ارىزداردى قاراپ، ودان ءارى سوتقا جىبەرەدى.
بۇعان دەيىن قىرعىزستاندا بۇقارالىق اقپارات قۇرالدارى مەن ينتەرنەتتە ادامعا جالا جاپقانى جانە ار-نامىسىنا تيگەنى ءۇشىن جازانى قاتاڭداتۋ ۇسىنىلعانى تۋرالى جازعان بولاتىنبىز.
