اۋعانستانداعى ۇشاق اپاتىنان ءتورت ادام امان قالدى
استانا. KAZINFORM - الدىن الا مالىمەت بويىنشا، اۋعانستاندا راداردان جوعالىپ كەتكەن Falcon 10 ۇشاعىنىڭ بورتىندا بولعان ءتورت ادام ءتىرى، تاعى ەكەۋىنە قاتىستى اقپارات ناقتىلانىپ جاتىر، دەپ حابارلايدى ت ا س س اقپارات اگەنتتىگى.
«ەسەيدىڭ اۋعانستانداعى ەلشىلىگىنىڭ اقپاراتىنا سايكەس جەرگىلىكتى جەردەگى ىزدەستىرۋ- قۇتقارۋ قىزمەتى Falcon 10 ۇشاعىن تاپتى. ۇشاق بورتىنداعى التى ادامنىڭ تورتەۋى ءتىرى (ولاردىڭ ءارتۇرلى جاراقاتى بار)، ەكى ادامنىڭ تاعدىرى ناقتىلانىپ جاتىر»، - دەپ حابارلادى ۆەدومستۆودان.
«تاليبان» قوزعالىسى قۇرعان ۇكىمەت جانىنداعى كولىك جانە اۆياتسيا مينيسترلىگى بۇل اقپاراتتى راستادى.
«ىزدەستىرۋ- قۇتقارۋ توبى كەشە 20-قاڭتاردا راداردان جوعالعان ۇشاقتى تاپتى، ونىڭ ىشىندە ۇشقىشتى قوسقاندا ءتورت ادام ءتىرى»، - دەلىنگەن حابارلامادا.
مينيسترلىكتىڭ ناقتىلاۋىنشا، ءتىرى قالعانداردى ىزدەۋ جۇمىستارى جالعاسىپ جاتىر.
ەسكە سالا كەتسەك، ماسكەۋگە بەت العان ءۇندى كومپانياسىنىڭ ۇشاعى اۋعانستاننىڭ سولتۇستىك-شىعىسىندا اپاتقا ۇشىراعانىن حابارلاعان ەدىك.
اۆتور
زارينا تۋعانبايەۆا
