اۋعانستاندا كوش-تەپا كانالىنىڭ ىسكە قوسىلۋى قازاقستانعا قالاي اسەر ەتەدى

- الداعى ۋاقىتتا سۋدىڭ كۇرت اۋىتقۋىن كۇتپەيمىز، - دەدى ول.

- ءبىراق بولاشاقتا سىرداريانىڭ سۋى ازايۋى مۇمكىن. بۇل ءبىزدىڭ قيىن جاعدايداعى ارالعا اسەر ەتەدى، - دەدى اسلان ابدرايموۆ ەلوردادا وتكەن «سۋ قاۋىپسىزدىگى جانە ترانس شەكارالىق سۋ پايدالانۋ: سىن-قاتەرلەر مەن شەشىمدەر» اتتى حالىقارالىق كونفەرەنسيا بارىسىندا.

ۆيتسە- ءمينيستردىڭ ايتۋىنشا، قازاقستان مەن اۋعانستان اراسىندا تىكەلەي شەكارا بولماعانىمەن، جاڭا كانالدىڭ اسەرى ءبارى ءبىر سەزىلەدى.

- ءبىز اۋعانستانمەن شەكارالاس ەمەسپىز، ءبىراق ولاردىڭ الاتىن سۋ كولەمى بولاشاقتا جالپى جاعدايعا اسەر ەتەدى. ءامۋداريانىڭ %30- عا دەيىنگى سۋى اۋعانستانعا كەتۋى مۇمكىن، - دەدى.

اۋعانستاننىڭ كوش-تەپا كانالى ارقىلى سۋدىڭ قايتا ءبولىنۋى ماسەلەسىنە قاتىستى «بايتاق» پارتياسىنىڭ ءتوراعاسى ازاماتحان امىرتايەۆ تە ءۇن قاتتى.

- ءبىز سىن ايتقىمىز كەلمەيدى. بۇگىن ءبىز قازاقستاندىق جانە حالىقارالىق عالىمداردى شاقىردىق. ولار كانالدىڭ تيىمدىلىگىن ارتتىرىپ، سۋ ىسىرابىن ازايتۋ جولدارىن ۇسىنىپ وتىر. ءبىز ونىمەن بىرلەسىپ جۇمىس ىستەگىمىز كەلەدى. بۇل - ورتاق ماسەلە، - دەدى ا. امىرتايەۆ.

پارتيا ءتوراعاسىنىڭ ايتۋىنشا، ءامۋداريانىڭ سۋ رەسۋرسىنىڭ شامامەن %25-30- ى بولاشاقتا اۋعانستاننىڭ جاڭا كانالىنا باعىتتالاتىن بولادى.

- دەمەك، وزبەكستان مەن تۇرىكمەنستانعا سۋ از تۇسەدى. تيىسىنشە، وزبەكستان سىرداريانىڭ سۋىن كوبىرەك پايدالانۋى مۇمكىن. بۇل قازاقستانعا كەلەتىن سۋدىڭ كولەمىن ازايتادى. ءتىپتى وزبەكستان تاراپىنان كەلەتىن سۋ %30-40- عا دەيىن قىسقارۋى مۇمكىن. مۇندا تەك بىرلەسكەن جۇمىس قاجەت. ءيا، بۇل - ۇلكەن ماسەلە، ونى شەشۋ كەرەك، - دەدى ازاماتحان امىرتايەۆ.

ەسكە سالايىق، اۋعانستاننىڭ جاڭا كانالى ورتالىق ازيانى سۋ تاپشىلىعىنا ۇشىراتۋى مۇمكىن بە دەگەن تاقىرىپتى Kazinform ءتىلشىسى تارقاتقان ەدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى