ابزال قۇسپان كەدەن قىزمەتىن دەربەس ورگان رەتىندە قالپىنا كەلتىرۋدى ۇسىندى

- 2014 -جىلى ۇكىمەت قاۋلىسىمەن مەملەكەتتىك كىرىس كوميتەتى قۇرىلىپ، سالىق جانە كەدەن ورگاندارى بىرىكتىرىلدى. الايدا ونىڭ ءتيىستى ناتيجە بەرمەي وتىرعانىن قازىرگى احۋال كورسەتىپ وتىر. سالدارىنان كەدەندىك باقىلاۋدىڭ تيىمدىلىگى ايتارلىقتاي تومەندەپ، سىبايلاس جەمقورلىق قاۋىپتەرى كۇشەيىپ كەتتى. سونىمەن قاتار، كەدەن قىزمەتى ءوزىنىڭ قۇقىق قورعاۋ فۋنكتسياسىن ءىس جۇزىندە جوعالتىپ، قارۋلار مەن ەسىرتكى كونترابانداسىن انىقتاۋ توقتاتىلدى. حالىقارالىق قۇقىق قورعاۋ ۇيىمدارىمەن جۇمىس السىرەپ، بىلىكتى ماماندار جۇيەدەن شىعارىلدى. ياعني بۇل جاعداي كەدەندىك تۇسىمدەردىڭ ازايۋىمەن قاتار، شەكارا قاۋىپسىزدىگىنە، ىشكى تۇراقتىلىققا ايتارلىقتاي قاتەر ءتوندىرىپ وتىر، - دەيدى دەپۋتات.

دەپۋتاتتىڭ ايتۋىنشا، 2014 -جىلدان بەرى بيۋدجەتكە تۇسەتىن كەدەندىك تولەمدەر وعان دەيىنگى جىلدارمەن سالىستىرعاندا 2 ەسە، كەدەندىك تەكسەرۋلەر ناتيجەسىندە وندىرىلگەن تولەمدەر كولەمى 3 ەسە، ەكونوميكالىق كونتراباندا فاكتىلەرىن انىقتاۋ 2 ەسە، تاركىلەنگەن ەسىرتكى زاتتارىنىڭ كولەمى 36 ەسە ازايىپ كەتكەن.

- بۇرىن جۇرگىزىلگەن رەفورمالارعا تالداۋ جۇرگىزۋ، ولاردىڭ ەكونوميكا مەن ۇلتتىق قاۋىپسىزدىككە اسەرىن باعالاۋ قاجەت. كەدەن قىزمەتىن دەربەس ورگان رەتىندە قالپىنا كەلتىرىپ، وعان كەدەندىك اكىمشىلەندىرۋ، باقىلاۋ جانە كونترابانداعا قارسى كۇرەس مىندەتتەرىن جۇكتەۋ كەرەك. كەدەن قىزمەتىن دامىتۋ دوكتريناسىن ازىرلەسەك، بۇل كەدەندىك اكىمشىلەندىرۋ ۇلگىسىن قالىپتاستىرادى. رەفورمانىڭ اشىقتىعىن قامتاماسىز ەتۋ ءۇشىن وزگەرىستەردى باقىلاۋ ۇدەرىسىنە قوعام، بيزنەس جانە ساراپشىلار قاۋىمداستىعىن تارتۋ ۇسىنىلادى، - دەدى ابزال قۇسپان.

ەسكە سالساق، سەنات كەدەندىك باجداردىڭ ۇزدىكسىز اۋدارىلۋىنا ارنالعان زاڭدى ماقۇلداعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى