ابزال اجعاليەۆ: وليمپيادا جانە الەم چەمپيوندارىن جەڭىپ، تاريحي التىن جۇلدە الدىق

- بارشا وتانداستاردى قۋانتتىق دەپ ويلايمىن. جاڭا عانا كۇمىس مەدال جەڭىپ الىپ، تاريحي كورسەتكىشكە جەتكەن ەدىك.

ال بۇگىن تىپتەن تاريحي ءمانى بار العاشقى التىن مەدالعا قول جەتكىزىپ وتىرمىز، - دەدى سپورتشى.

ول سونداي- اق بۇل جەڭىس قازاقستان شورت- ترەك سپورتى دەڭگەيى وسكەنىنىڭ ايقىن دالەلى ەكەنىن ايتتى.

- سەبەبى، ءبىز وليمپيادا جانە الەم چەمپيوندارىمەن جۇلدەنى ساراپقا سالىپ، جەڭىسكە جەتتىك. بۇل وتاندىق شورت- ترەك سپورتى دەڭگەيىنىڭ وسكەنىن كورسەتەدى. ءبىز وسىنداي مىقتى ەلدەرمەن باسەكەلەس بولا الاتىنىمىزدى، ولاردى جەڭە الاتىنىمىزدى دالەلدەدىك، - دەيدى ابزال.

شورت- ترەكشى قازاقستاندىقتاردى قىسقى سپورتقا نازار اۋدارۋعا جانە قولداۋعا شاقىردى.

- بارشا قازاق ەلىن وسى تاريحي جەڭىسىمىزبەن قۇتتىقتايمىز. قىسقى سپورتتى كورىڭىزدەر، ءبىزدى قولداڭىزدار، - دەدى ابزال اجعاليەۆ.

ايتا كتەيىك، شورت-ترەكتەن قازاقستان ەرلەر قۇراماسى قىتايدىڭ حاربين قالاسىندا ءوتىپ جاتقان Ⅸ قىسقى ازيا ويىندارىننىڭ ەرلەر اراسىندا 5000 مەتردەن كوماندالىق ەستافەتا جارىسىندا تاريحي التىن مەدال جەڭىپ الدى.

قازاقستان قۇراماسى سپورتشىلارى دەنيس نيكيشا، گلەب يۆچەنكو، مەرسايد جاقسىبايەۆ جانە ءادىل عالياحمەتوۆ 6 مينۋت 59.415 سەكۋند ناتيجەمەن مارە سىزىعىن ءبىرىنشى كەسىپ، ەل قورجىنىنا العاشقى التىن مەدال سالدى.

وسىعان دەيىن، قازاقستان قىزدار قۇراماسى 3000 مەترگە ەستافەتادان كۇمىس الدى.

مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى