ابىز ءانشى 87 جاسىندا شيراق، سەرگەك قيمىلىمەن ەلدى تاڭعالدىردى
استانا. قازاقپارات- قازاقستاننىڭ حالىق ءارتىسى نۇرعالي ءنۇسىپجانوۆ الەۋمەتتىك جەلىدە ءان ورىنداعان ۆيدەوسىن جۇكتەپ، جۇرتتىڭ ىستىق ىقىلاسىنا بولەندى، دەپ حابارلايدى El.kz اقپارات اگەنتتىگى.
جاقىندا عانا 87 جاسقا تولعان تۋعان كۇنىن اتاپ وتكەن ونەر يەسى ءالى دە بابىن جوعالتپاپتى. بويىن تىك ۇستاپ، جينالعان قاۋىم الدىندا اننەن شاشۋ دا شاشتى.
ابىز ءانشىنىڭ ونەرىنە، ءوز-ءوزىن ۇستاۋىنا كوپشىلىك ءتانتى بولىپ، ماقتاۋدى جاۋدىرتتى.
«نە دەگەن كەلبەتتى كىسى»، «ءتىل-كوزىمىز تاسقا، 100 جاساڭىز»، «بۇل كىسىنىڭ ءوزى دە بايسالدى، الىپ تۇلعا عوي، شىركىن»، «جاپ-جاس جىگىتتەي، جەڭەشەمە راحمەت»، - دەپ جازدى وقىرماندار.
Посмотреть эту публикацию в Instagram
