ابىلاي مىرزاحمەتوۆتىڭ ءىسى: سوت اشىق وتەدى

«ابىلاي مىرزاحمەتوۆتىڭ ءىسى بويىنشا بۇگىن الدىن الا تىڭداۋ بولدى. باستى سوت وتىرىسىنىڭ قاشانعا تاعايىندالعانى ازىرگە بەلگىسىز»، - دەدى قالالىق سوتتىڭ باسپا ءسوز قىزمەتىنىڭ باسشىسى الينا رايىمبايەۆا.

اراعا ۋاقىت سالىپ باستى سوت وتىرىسى 22- قاڭتار ساعات 10 دا وتەتىنى بەلگىلى بولدى (استانا، كەنەسارى كوشەسى، 3).

ءىس اشىق قارالادى جانە سوت بارىسىندا اۋديو-ۆيدەو جازۋعا رۇقسات.

ەسكە سالا كەتەيىك، 2023-جىلعى 10- مامىردا «اتامەكەن» ۇلتتىق كاسىپكەرلەر پالاتاسى باسقارماسىنىڭ ەكس-ءتوراعاسى ابىلاي مىرزاحمەتوۆ ۇستالعان ەدى.

ول الاياقتىق جانە كاسىپكەردى ونىڭ تۋىسىن قىلمىستىق جاۋاپكەرشىلىكتەن بوساتۋعا جاردەمدەسكەنى ءۇشىن اسا ءىرى كولەمدە پارا بەرۋگە يتەرمەلەدى دەگەن كۇدىككە ىلىككەن.

وتكەن جىلى 22- قاراشادا انتيكور ابىلاي مىرزاحمەتوۆكە قاتىستى تەرگەۋ جالعاسىپ جاتقانىن حابارلادى.

ايتا كەتسەك، اتالعان ءىس سوتقا بىلتىر جەلتوقساننىڭ سوڭىندا كەلىپ ءتۇستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى