اباي وبلىسىنداعى تابيعي ءورت وقشاۋلاندى
استانا. KAZINFORM - بۇل تۋرالى ق ر توتەنشە جاعدايلار مينيسترلىگىنىڭ باسپا ءسوز قىزمەتى حابارلادى.
- قابىلدانعان شارالاردىڭ ارقاسىندا اباي وبلىسىنىڭ بەسقاراعاي اۋدانىنداعى تابيعي ءورت وقشاۋلاندى، - دەلىنگەن ق ر توتەنشە جاعدايلار مينيسترلىگىنىڭ باسپا ءسوز قىزمەتى تاراتقان اقپاراتتا.
سونداي-اق وندا ءورتتى ءسوندىرۋ جۇمىستارى جالعاسىپ جاتقانى ايتىلادى.
باسپاءسوز قىزمەتى سونىمەن قاتار اباي وبلىسىنداعى ءورت بولعان جەردى اۋەدەن بارلاۋ جۇرگىزىلگەنى ايتىلعان جانە جاعداي ۇنەمى باقىلاۋدا.
ت ج م اتالعاندارمەن قوسا پاۆلودار وبلىسى باياناۋىل اۋدانىنداعى 20 گەكتار القاپتاعى ءورتتىڭ سوندىرىلگەنىن ءمالىم ەتتى.
ايتا كەتەيىك، وسىعان دەيىن 4-ءساۋىر كۇنى تۇستەن كەيىن بەسقاراعاي اۋدانىنا قاراستى قويانباي اۋىلى ماڭىندا قۇرعاق ءشوپ ورتەنگەنى تۋرالى اقپارات تۇسكەنى تۋرالى حابارلادىق.
جەلدىڭ ەكپىنىمەن ءورت «سەمەي ورمانى» تابيعي رەزەرۆاتىنىڭ موروزوۆ فيليالى اۋماعىنا تارالعان. وقيعا ورنىنا دەرەۋ ءورت ءسوندىرۋ بولىمدەرى، ارنايى تەحنيكا مەن ورمان شارۋاشىلىعى قىزمەتكەرلەرى جۇمىلدىرىلدى.
