اباي وبلىسىندا كادر تاپشىلىعى ماسەلەسى قالاي شەشىلەدى

ونىڭ ايتۋىنشا، اسىرەسە مەديتسينا سالاسىندا 85 مامان جەتىسپەۋشىلىگى بار.

«بۇل شىن مانىندە نونسەنس. بىزدە كەرەمەت مەديتسينا ۋنيۆەرسيتەتى بار، ءبىراق سوندا دا ماسەلە تۋىنداپ وتىر. قازىر بۇل ماسەلەنى شەشىپ جاتىرمىز. بىرىنشىدەن، اياسى تار ماماندارعا، گينەكولوگتارعا، انەستەزيولوگتارعا، رەانيماتولوگتارعا - جەرگىلىكتى جەرلەردە باسپانا ساتىپ الۋعا مۇمكىندىك بەرەمىز. «ديپلوممەن اۋىلعا» باعدارلاماسى بويىنشا اۋىلدىق جەرگە كەلگەن ءاربىر ادامعا 8,5 ميلليون تەڭگە بولىنەدى»، - دەدى نۇرلان ۇرانحايەۆ استاناداعى ورتالىق كوممۋنيكاتسيالار قىزمەتىندە وتكەن بريفينگىدە.

سونىمەن قاتار ن. ۇرانحايەۆ اتاپ وتكەندەي، 2023-2024 وقۋ جىلىنا قوسىمشا ءبىلىم بەرۋ گرانتتارى بولىنگەن. وقۋدى اياقتاعان سوڭ تۇلەكتەر وبلىس اۋداندارىنا جۇمىسقا بارۋى قاجەت.

«بىزدە تەك مەديتسينادا عانا ەمەس، نەگىزىنەن جالپى كادرلىق پروبلەما بار. مەملەكەتتىك قىزمەتتە دە تاپشىلىق كورىپ وتىرمىز. وزدەرىڭىز بىلەتىندەي، سەمەي 25 جىل بويى وبلىس ورتالىعى بولعان جوق، سوندىقتان دا دارىگەرلەر مەن باسقا دا ماماندار استانا سەكىلدى ۇلكەن قالالارعا كوشىپ كەتتى. بارلىعى الماتى، استانا سياقتى قالالاردا ءومىر سۇرگىسى كەلەدى. قازىر ءبىز بۇل ماسەلەنى بىرتىندەپ شەشىپ جاتىرمىز، ماماندار بىرتىندەپ ورالا باستادى»، - دەپ تولىقتىردى نۇرلان ۇرانحايەۆ.

ن. ۇرانحايەۆ سەمەيدە ءبىر جىل ىشىندە اۆتوكولىكتەر سانى 2 ەسە وسكەنىن اتاپ ءوتتى. بۇل ادامداردىڭ قايتا ورتالىپ جاتقانىن كورسەتەدى.

«سوندىقتان بارلىق سالانىڭ ماماندارى بىرتىندەپ ورالادى دەپ ويلايمىن»، - دەپ قورىتىندىلادى اكىم.

ايتا كەتەيىك، اباي وبلىسى ءوزىنىڭ العاشقى جىلىندا الەۋمەتتىك- ەكونوميكالىق كورسەتكىشتەر بويىنشا سەنىمدى ءوسىم كورسەتىپ وتىر. ورتاشا ايلىق جالاقى 17,6 پايىزعا ءوسىپ، 292,8 مىڭ تەڭگە بولدى. وبلىس بيۋدجەتىنىڭ ءوز كىرىستەرى 141 پايىزعا ءوسىپ، قازىناعا 87,4 ميلليارد تەڭگە ءتۇسىردى. بيىل وبلىس بيۋدجەتىنىڭ كولەمى 419,2 ميلليارد تەڭگەنى بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى