اباي وبلىسىندا اقىن شاكارىم قۇدايبەردى ۇلىنا ەسكەرتكىش قويىلدى
سەمەي. KAZINFORM - سەمەيدە ويشىل، اقىن شاكارىم قۇدايبەردى ۇلىنىڭ ەسكەرتكىشى اشىلدى. شاكارىم قۇدايبەردى ۇلىنا ارنالعان ەسكەرتكىشتىڭ ۇزىندىعى تۇعىرىمەن قوسا العاندا 7,7 مەتر. مۇسىندىك كومپوزيتسيا قولادان قۇيىلىپ، تۇعىرى تۇتاس گرانيتتەن جاسالعان.
ەسكەرتكىش اۆتورى - نۇربول قالييەۆ. ءمۇسىنشى شاكارىمنىڭ دانىشپان بەينەسىن وڭ قولىنا كىتاپ، سول قولىنا تاسبيح ۇستاتۋ ارقىلى بەينەلەپ كورسەتتى. ونەر تۋىندىسى شاكارىم داڭعىلى مەن قابانباي باتىر كوشەسىنىڭ قيىلىسىنا قويىلدى.
- ەسكەرتكىشتىڭ اشىلۋىنا وراي قازاقستان پرەزيدەنتى قاسىم- جومارت توقايەۆ قۇتتىقتاۋ حات جولدادى. حاتتى سالتاناتتى شارادا وبلىس اكىمى نۇرلان ۇرانحايەۆ وقىپ بەردى. شاكارىم قۇدايبەردى ۇلىنىڭ ادەبي مۇراسى اسا باي. ول پوەزيا، پروزا، اۋدارما، تاريح سالاسىندا جۇمىس ىستەپ، اباي داستۇرىندە دەموكراتتىق- حالىقتىق، گۋمانيستىك- حالىقتىق باعىت ۇستانعان. ونىڭ شىعارماشىلىعى قازاق ادەبيەتىندە اباي يدەيالارىن جالعاستىرۋشى رەاليستىك ءداستۇردى قالىپتاستىردى. ونىڭ مۇراسىنىڭ تەك قازاق حالقى ءۇشىن عانا ەمەس، بۇكىل تۇركى جانە شىعىس مادەنيەتى ءۇشىن ماڭىزى زور، - دەپ حابارلادى اباي وبلىسى اكىمدىگىنەن.
ەسكەرتكىشتىڭ اشىلۋ سالتاناتى تاۋەلسىزدىك كۇنىمەن ورايلاستىرىلىپ وتىر.
ەسكە سالساق، وسىعان دەيىن اباي وبلىسىنداعى 127 اۋىل مەكتەبى Starlink ينتەرنەتىنە قوسىلعانى حابارلانعان.
اۆتور
تالعاتجان مۇحامەتبەك ۇلى
