اباي وبلىسى ءۇرجار اۋدانىندا شاعىن جانە ورتا بيزنەس قارقىندى دامىپ كەلەدى

وبلىس اكىمدىگىنىڭ مالىمەتىنە سۇيەنسەك، 2023 -جىلدىڭ باسىنان بەرى ءۇرجار اۋدانىندا كاسىپكەرلىكتى دامىتۋعا قاتىستى 337 جوبا جۇزەگە اسىرىلعان.

«اتاپ ايتقاندا، «كاسىپكەرلىكتى دامىتۋدىڭ 2021-2025 -جىلدارعا ارنالعان ۇلتتىق جوباسى» اياسىندا ەكىنشى دەڭگەيلى بانك ارقىلى 23 جوبا جۇزەگە اسىرىلىپ، «دامۋ قورى» اق ارقىلى سۋبسيديالاندى. «دامۋ قورى» ا ق ارقىلى 18 كاسىپكەرگە 127 ميلليون تەڭگە مولشەرىندە كەپىلدىك بەرىلدى. جىل باسىنان بەرى «اگرارلىق نەسيە كورپوراتسياسى» ا ق جانە «ىسكەر» باعدارلاماسى شەڭبەرىندە جالپى سوماسى 521,7 ميلليون تەڭگەگە 60 جوبا قارجىلاندىرىلعان»، - دەلىنگەن حابارلامادا.

سونداي- اق بيىل «قازاگروقارجى» ا ق ارقىلى جالپى سوماسى 3,2 ميلليارد تەڭگەگە 233 جاڭا اۋىل شارۋاشىلىعى تەحنيكاسى ليزينگكە ساتىپ الىندى. «اۋىل اماناتى» باعدارلاماسىمەن 583,7 ميلليون تەڭگەنى قۇرايتىن 100 جوباعا قۇجات جىبەرىلگەن. بۇگىندە 59 جوبا ماقۇلداندى.

«ءۇرجار اۋدانىندا 6532 شاعىن جانە ورتا بيزنەس سۋبەكتىسى بار. تىركەلگەندەردىڭ ىشىندە جۇمىس ىستەيتىن شاعىن كاسىپورىننىڭ ۇلەسى %95,3 (6854) قۇرايدى. اۋدان تۇرعىندارىنىڭ %15,2 نەمەسە 6395 ادام شاعىن كاسىپكەرلىكپەن اينالىسادى» - دەلىنگەن اقپاراتتا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى