اباي وبلىسى اكىمىنىڭ ورىنباسارى ديميتري گاريكوۆ قىزمەتىنەن كەتتى
سەمەي. KAZINFORM - اباي وبلىسى اكىمىنىڭ ورىنباسارى ديميتري گاريكوۆ ءوز ەركىمەن جۇمىستان شىقتى.
ونىڭ ايتۋىنشا، جۇمىستان كەتۋ تۋرالى شەشىمدى ءوزى قابىلداعان.
- وبلىس اكىمىنىڭ ورىنباسارى قىزمەتىنەن كەتۋ تۋرالى ماڭىزدى جانە سانالى شەشىم قابىلدادىم. بۇل قىزمەتتە جۇمىس ىستەۋ مەن ءۇشىن اسا ۇلكەن جاۋاپكەرشىلىك جانە ابىرويلى ءىس بولدى، - دەپ جازدى ديميتريي گاريكوۆ الەۋمەتتىك جەلىدەگى جەكە پاراقشاسىندا.
ديميتري الەكساندروۆيچ گاريكوۆ 1975 -جىلى شىعىس قازاقستان وبلىسى بورودۋليحا اۋدانى بورودۋليحا اۋىلىندا دۇنيەگە كەلگەن. ءبىلىمى - جوعارى. 1998 -جىلى سەمەي قۇرىلىس تەحنيكۋمىن، 2000 -جىلى د. سەرىكبايەۆ اتىندىعى شىعىس قازاقستان تەحنيكالىق ۋنيۆەرسيتەتىن بىتىرگەن.
بورودۋليحا اۋدانى بورودۋليحا اۋىلىنىڭ «تۇرمىس قىزمەتى» ا ق- دا وت جاعۋشى، بورودۋليحا مازس- دا وپەراتور بولدى.
كەيىن بورودۋليحا اۋدانى اكىمى اپپاراتىنىڭ باس مامانى؛ بورودۋليحا اۋدانى دميتريەۆكا اۋىلىندا جانار-جاعارماي قۇيۋ بەكەتىنىڭ مەڭگەرۋشىسى؛ «كوممۋنالدىق شارۋاشىلىق» مەملەكەتتىك كوممۋنالدىق كوپسالالى كاسىپورنىنىڭ باستىعى؛ شىعىس قازاقستان وبلىسى بورودۋليحا اۋدانىنىڭ تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى؛ «ش ق و بورودۋليحا اۋدانىنىڭ تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» م م باسشىسى؛ شىعىس قازاقستان وبلىسى بورودۋليحا اۋدانى اكىمىنىڭ ورىنباسارى؛ «ش ق و جولاۋشىلار كولىگى جانە اۆتوموبيل جولدارى باسقارماسى» م م باسشىسى قىزمەتتەرىن اتقاردى.
بۇدان بولەك، كۋرچاتوۆ قالاسىنىڭ اكىمى، شىعىس قازاقستان وبلىسى اكىمىنىڭ ورىنباسارى، ش ق و مەملەكەتتىك ساۋلەت-قۇرىلىس باقىلاۋى باسقارماسىنىڭ باسشىسى، سەمەي قالاسى اكىمىنىڭ ورىنباسارى لاۋازىمىندا بولدى.
اۆتور
تالعاتجان مۇحامەتبەك ۇلى
