اباي اتىنداعى قازاق ۇلتتىق پەداگوگيكالىق ۋنيۆەرسيتەتىنە جاڭا رەكتور تاعايىندالدى
پرەزيدەنت اكىمشىلىگى ىشكى ساياسات ءبولىمىنىڭ بۇرىنعى مەڭگەرۋشىسى بولات تىلەپوۆ اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى بولىپ تاعايىندالدى، دەپ حابارلايدى قازاقپارات ءتىلشىسى.
اباي اتىنداعى قاز ۇ پ ۋ- دىڭ ۇجىمىنا جاڭا رەكتوردى ق ر عىلىم جانە جوعارى ءبىلىم ءمينيسترى ساياسات نۇربەك تانىستىردى.
بولات تىلەپوۆ تۇڭعىش جوعارى وقۋ ورنىنىڭ قابىرعاسىندا ديسسەرتاتسيا قورعاپ، اباي اتىنداعى قاز ۇ پ ۋ زاڭ فاكۋلتەتىندە وقىتۋشى بولىپ جۇمىس ىستەدى.
جاڭا باسشىنىڭ ەلىمىزدىڭ قوعامدىق-ساياسي جانە عىلىمي سالالارىندا تاجىريبەسى مول: «ستراتەگيا» تالداۋ ورتالىعى» قوعامدىق قورىنىڭ ساراپشىسى، الەۋمەتتىك-ساياسي زەرتتەۋلەر عىلىمي-زەرتتەۋ ينستيتۋتى مەن ساياسي تەحنولوگيالار ورتالىعىندا اعا عىلىمي قىزمەتكەر بولعان.
ىشكى ساياسات دەپارتامەنتىندە، الماتى جانە استانا قالالارىنىڭ ىشكى ساياسات باسقارماسىندا، ق ر قورعانىس مينيسترلىگى اكىمشىلىك دەپارتامەنتىندە باسشىلىق لاۋازىمدارىندا جۇمىس ىستەدى.
ق ر پرەمەر-ءمينيسترى ورىنباسارىنىڭ كەڭەسشىسى قىزمەتىندە، قازاقستاننىڭ رەسەيدەگى ەلشىلىگىندە جۇمىس ىستەپ، ق ر پرەزيدەنتى اكىمشىلىگىنىڭ مەملەكەتتىك ينسپەكتورى، اقپارات جانە قوعامدىق دامۋ ۆيتسە-ءمينيسترى، ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ باسشىسى لاۋازىمدارىندا قىزمەت اتقارعان.
ساياسات نۇربەك ۋنيۆەرسيتەت ۇجىمىن 95 جىلدىق مەرەيتويىمەن قۇتتىقتاپ، ەلىمىزدىڭ جەتەكشى پەداگوگيكالىق جوعارى وقۋ ورنىنىڭ دامۋىنا قوسقان ولشەۋسىز ۇلەسى ءۇشىن ۋنيۆەرسيتەتتىڭ بۇرىنعى باسشىسى، قازىرگى ق ر پرەزيدەنتى جانىنداعى ۇلتتىق عىلىم اكادەمياسىنىڭ ۆيتسە-پرەزيدەنتى دارحان ءبىلالوۆقا العىسىن ءبىلدىردى.
قازاقستانداعى تۇڭعىش جوعارى وقۋ ورنىنىڭ جاڭا باسشىسىنا تابىس تىلەدى.
مينيستر بولات تىلەپوۆتىڭ باسشىلىعىمەن ۋنيۆەرسيتەت ءبىلىم بەرۋ مەن عىلىمي زەرتتەۋلەردىڭ جوعارى ستاندارتتارىن جاڭعىرتۋ مەن وعان قول جەتكىزۋ جولىن جالعاستىرىپ، 95 جىلدىق باي تاريحى بار وقۋ ورنىنىڭ دامۋىنا تىڭ سەرپىن بەرەتىنىنە سەنىم ءبىلدىردى.
