اباي اتىنداعى قازۇپۋ وقۋ كورپۋستارى مەن ستاديونىن قايتارىپ الدى

مەدەۋ اۋدانىنىڭ پروكۋراتۋراسى «اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ» مۇلكىن زاڭسىز ساتۋ فاكتىلەرىن انىقتادى.

- وقۋ جانە تۇرعىن ءۇي الاڭىنىڭ جەتىسپەۋشىلىگىنە قاراماستان، ۋنيۆەرسيتەتتىڭ بۇرىنعى باسشىلىعى ساۋدا- ساتتىقتى وتكىزبەي جانە باعالاۋسىز جالپى اۋدانى 1500 شارشى مەتردەن استام ەكى وقۋ كورپۋسىن جەكە تۇلعالارعا زاڭسىز ساتقان. ءبىراق تا عيماراتتاردىڭ ءبىرى كەيىننەن بىرنەشە جىل بويى ۋنيۆەرسيتەتتىڭ وزىنە جالعا بەرىلسە، ال ەكىنشىسىندە ويىن-ساۋىق مەكەمەسى ۇيىمداستىرىلعان، - دەلىنگەن ۆەدومستۆو تاراتقان اقپاراتتا.

سونىمەن قاتار سپورتتى بىرلەسىپ دامىتامىز دەگەن كوز-بوياۋشىلىقپەن گوركي اتىنداعى ورتالىق مادەنيەت جانە دەمالىس ساياباعىندا ورنالاسقان الاڭى 5 گەكتاردان اساتىن سپورت ستاديونى 10 جىلعا ءۇشىنشى تۇلعالارعا بەرىلگەن.

- 5 جىل بويى فۋتبول الاڭى كوممەرتسيالىق ماقساتتا پايدالانعان، ال 16 مىڭ ستۋدەنتتىڭ دەنە شىنىقتىرۋمەن تولىق اينالىسۋعا جانە سپورتتىق ءىس-شارالار وتكىزۋگە مۇمكىندىگى بولماعان. مەدەۋ اۋدانى پروكۋراتۋراسىنىڭ قاداعالاۋ اكتىلەرى بويىنشا زاڭدى كۇشىنە ەنگەن سوت شەشىمدەرىمەن، مۇلىك وبەكتىلەرى ۇلتتىق ۋنيۆەرسيتەتكە قايتارىلدى، - دەپ اتاپ ءوتتى قالالىق پروكۋراتۋرا.

وسىعان دەيىن حابارلانعانداي، ب ق و- دا پروكۋراتۋرانىڭ ارالاسۋىمەن 468,5 ميلليون تەڭگە مەملەكەتكە قايتارىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى