اپاتقا ۇشىراعان Embraer 190 ۇشاقتارىمەن بايلانىستى وقىس وقيعالار
استانا. قازاقپارات - اقتاۋدا ماڭىندا Embraer 190 جولاۋشىلار ۇشاعىن برازيليالىق كومپانيا جاسايدى. ول E- Jet سەريالى اۋە كەمەلەرىنىڭ ءبىر بولىگى بولىپ سانالادى.
العاش رەت 2004 -جىلى تانىستىرىلعان Embraer 190 ۇشاعى ءوزىنىڭ جوعارى قاۋىپسىزدىگىمەن تانىمال. دەسە دە، ونىمەن بايلانىستى وقىس وقيعالار دا جوق ەمەس. 2007 -جىلى دجەت بليۋ ەيرۆەيس (JetBlue Airways) كومپانياسىنا تيەسىلى Embraer 190 ۇشاعى قونۋ كەزىندە تەجەۋ جۇيەسىنەن اقاۋ شىقتى. سوعان قاراماستان، ءساتتى قوندى. 2011 -جىلى ەيەروسۆيت ەيرلاينس (Aerosvit Airlines) اۋە كومپانياسى ۇشقىشتىڭ قاتەلىگىنەن Embraer 190 ۇشاعىن جوعالتىپ الدى. 2018 -جىلى يندونەزيادا Embraer 190 ۇشاعىنىڭ جۇيەسى ىستەن شىعىپ، اۋە كەمەسى شۇعىل تۇردە قونۋعا ءماجبۇر بولدى. وقيعانى تەرگەۋ كەزىندە قانداي دا ءبىر اقاۋ تابىلماعان. تاعى ءبىر ايتا كەتەرلىگى، وسى مودەلدەگى ۇشاقتىڭ قۇستارمەن سوقتىعىسىپ، اپاتقا ۇشىراۋى العاش رەت تىركەلىپ وتىر.
بۇگىن اپاتقا ۇشىراعان Embraer 190 - ايماقتىق جولاۋشىلار ۇشاعى. اۋە كەمەسى قىسقا جانە ورتاشا قاشىقتىقتارعا جولاۋشىلاردى تاسىمالداۋعا ارنالعان. العاش رەت اۋەگە 2004 -جىلدىڭ 12-ناۋرىزىندا كوتەرىلگەن. ۇشاقتى ءوندىرۋشى ەل - برازيليا. اۋە كەمەسىنىڭ ۇزىندىعى 36,24 مەترگە دەيىن جەتەدى. ال قاناتىنىڭ قۇلاشى - 28,72، جالپى بيىكتىگى 10,57 مەتر. 12,5 مىڭ مەتر بيىكتىككە دەيىن كوتەرىلىپ، 4,5 مىڭ شاقىرىم قاشىقتىققا دەيىن ۇشا الادى. ماكسيمالدى جىلدامدىعى - 890 ك م/ساع. اۋە كەمەسىنىڭ قونۋ جولىنىڭ ۇزىندىعى شامامەن 1 مىڭ 280 مەتر. ۇشاق بورتىنا 114 ادامعا دەيىن سىيا الادى. اۋە كەمەسىن 2 پيلوت باسقارادى. جالپى الەمدە Embraer 190 ۇشاقتارىنىڭ سانى 550-دەن اسادى.
24.kz
