اۋاسى ەڭ لاس قالالاردىڭ كوبى ازيادا ورنالاسقان

نيۋ- دەلي الەمدە اۋاسى ەڭ لاستانعان قالالاردىڭ تىزىمىنەن تۇسپەيدى. ءۇندىستان استاناسىندا كولىك كوپ. كومىردى جاعۋ ارقىلى جۇمىس ىستەيتىن كاسىپورىندار جەتەرلىك. شاھاردىڭ ەكولوگيالىق احۋالىنىڭ ناشارلاۋىنىڭ تاعى ءبىر ماڭىزدى سەبەبى - اۋىل شارۋاشىلىعى. ەگىس ماۋسىمى اياقتالعاندا، قالاعا جاقىن وڭىرلەردەگى فەرمەرلەر ماساق ورتەيدى. بۇعان رۇقسات ەتىلمەگەن. ءبىراق شارۋالار كوپ جاعدايدا تالاپقا باعىنباي جاتادى. جاعداي اسىرەسە قىستا قيىندايدى. وتكەن اپتادا كولىكتىڭ قوزعالىسىنا قاتىستى شەكتەۋ ەنگىزىلدى. كومپانيالاردىڭ ءبىرازى قاشىقتان جۇمىس ىستەگەن.

لاس اۋا تەك نيۋ-دەلي عانا ەمەس، ءۇندىستاننىڭ وزگە قالالارى ءۇشىن دە وزەكتى ماسەلە. دەرەككە سۇيەنسەك، ودان كۇن سايىن ەلدە جاسى ءالى 5-كە تولماعان 464 ءبۇلدىرشىن كوز جۇمادى ەكەن.

قىرعىزستان، بىشكەك

ورتالىق ازيا بويىنشا اۋاسى ناشار قالالاردىڭ ءبىرى بىشكەك سانالادى. ويتكەنى كومىر جاعاتىن ۇيلەر مەن كاسىپورىندار كوپ. قىستا جاعداي ۋشىعا تۇسەدى. بيلىك گازداندىرۋ ارقىلى ماسەلەنى شەشۋگە تىرىسۋدا. الايدا ءتىپتى گاز جۇرگىزىلگەن اۋدانداردىڭ وزىندە تۇرعىنداردىڭ جارتىسى ءالى كۇنگە كومىر جاعادى.

ناشار ەكولوگيا جۇرتتىڭ دەنساۋلىعىنا كەرى اسەر ەتۋدە. 2010-2019-جىلدار ارالىعىندا كىسى ءولىمىنىڭ 12-13 پايىزى وسى لاس اۋانىڭ سالدارىنان بولعان. 2015-جىلى كورشى ەلدىڭ جالپى ىشكى ءونىمىنىڭ 6 پروتسەنتى ناشار ەكولوگيادان تاۋىندايتىن اۋرۋلاردى ەمدەۋگە كەتكەن ەكەن.

بوسنيا جانە گەرتسەگوۆينا، سارايەۆو

ەۋروپادا اۋانىڭ لاستانۋى بالقان ەلدەرىندە ءجيى كەزدەسەدى. اسىرەسە بوسنيا جانە گەرتسەگوۆيناداعى احۋال الاڭداتارلىق. ەل استاناسى سارايەۆا بارلىق دەرلىك كاسىپورىن ەكولوگيالىق نورماعا سايكەس كەلمەيدى. ويتكەنى كوبىنىڭ توزىعى جەتكەن. سوسىن مەملەكەت تاۋلى ايماقتا ورنالاسقاندىقتان جەل سوقپاي، اۋا الماسپايدى. بۇل دا قالانى كوك ءتۇتىن تۇمشالاۋىنىڭ ءبىر سەبەبى. ول ازداي مۇندا كولىكتەن بولىنەتىن زياندى زاتتارعا قاتىستى باقىلاۋ دا جوق.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى