ا ە س سالۋدا رەسەيدىڭ ۇسىنىسىن جوعارى باعالايمىز - قاسىم- جومارت توقايەۆ
قازاقستاندا اتوم ەنەرگەتيكاسىن دامىتۋدىڭ الەۋەتى مول. اتالعان ماسەلەگە قاتىستى مەملەكەت باسشىسى قاسىم- جومارت توقايەۆ رەسەيلىك «يزۆەستيا» گازەتىنە بەرگەن سۇحباتىندا تولىعىراق ايتىپ بەردى، دەپ حابارلايدى Kazinform.
«ەلىمىزدە اتوم ەلەكتر ستانتسياسىن سالۋعا قاتىستى ءتۇرلى پىكىر ايتىلىپ ءجۇر. ءبىر جاعىنان، قازاقستاننىڭ اتوم ەنەرگەتيكاسىن دامىتۋ الەۋەتى مول. ەلىمىز تابيعي ۋران ءوندىرۋ كولەمى جونىنەن الەمدە ءبىرىنشى ورىن الادى. سونداي- اق، يادرولىق وتىن كومپونەنتتەرىن ءوز ەلىمىزدە وندىرەمىز جانە ۋراندى يزوتوپتى بايىتۋ جونىندەگى قىزمەتتەرگە قول جەتكىزە الامىز. ءۇلبى مەتاللۋرگيا زاۋىتىنىڭ بازاسىندا قىتايدىڭ اتوم ەلەكتر ستانتسيالارى ءۇشىن دايىن يادرولىق وتىن شىعارىلادى»، - دەپ جاۋاپ بەردى قاسىم- جومارت توقايەۆ.
پرەزيدەنتتىڭ ايتۋىنشا، كوپتەگەن ازاماتتار مەن ساراپشىلار اتوم ستانتسياسىنىڭ قاۋىپسىزدىگىنە كۇمان كەلتىرەدى.
«سەمەي يادرولىق سىناق پوليگونىنىڭ اۋىر قاسىرەتىن ەسكەرسەك، مۇنى تۇسىنۋگە بولادى. قازاقستان اۋماعىندا اتوم ەلەكتر ستانتسياسىن سالۋ ماسەلەسىندە رەسەي تاراپىنىڭ جاردەم بەرۋ ۇسىنىسىن جوعارى باعالايمىز. ايتسە دە، ا ە س قۇرىلىسى جونىندەگى تۇپكىلىكتى شەشىم رەفەرەندۋم قورىتىندىسى بويىنشا قابىلدانادى»، - دەيدى مەملەكەت باسشىسى.
