ا ە س قۇرىلىسىندا قازاقستان حالقى ءوزى تاڭداۋ جاسايدى - ماۋلەن اشىمبايەۆ

«ەكونوميكامىزدى دامىتۋداعى قازىرگى پروبلەمالاردىڭ ءبىرى ەلەكتر ەنەرگياسىنىڭ تاپشىلىعىنا بايلانىستى. ەكونوميكامىزدى ەكى ەسە ۇلعايتامىز دەگەن جوسپارىمىز بار. ۇكىمەت ءبىراز ءوندىرىستى اشۋ جۇمىستارىن اتقارىپ جاتىر. سوندىقتان ەلەكتر ەنەرگياسىنىڭ بۇدان دا كوبىرەك كولەمى كەرەك ەكەنى انىق. ەگەر ەنەرگيا كوزى بولماسا، وندا بۇل جاعداي ۇلكەن پروبلەماعا الىپ كەلەدى. سول سەبەپتى سيفرلىق تەحننولوگيالاردى، جاساندى ينتەللەكتى، ءوندىرىستى دامىتۋعا قوسىمشا ەنەرگيا كەرەك. بۇل ماسەلەنى تۇراقتى تۇردە شەشۋدىڭ بىردەن ءبىر جولى - قازاقستاندا اتوم ەلەكتر ستانتسياسىن سالۋ. وسىعان بايلانىستى پرەزيدەنت قاسىم-جومارت كەمەل ۇلى توقايەۆ كۇزدە رەفەرەندۋم بولاتىنى تۋرالى ايتتى»، - دەدى م. اشىمبايەۆ سەناتتا تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، بۇل باعىتتا ناقتى شەشىمدى حالىق قابىلدايدى.

«ا ە س كەرەك پە نەمەسە كەرەك ەمەس پە؟ شەشىمدى حالىق جاسايدى. ءبىز بيلىك تاراپىنان ۇسىنىس ايتقانىمىزبەن، ارى قاراي قازاقستان حالقى ءوزى تاڭداۋ جاسايدى. جالپى، وسى ماسەلەگە قاتىستى ءتيىستى اقپارات تاراتىلىپ، وسى باستامانىڭ ءمان-جايى تۇسىندىرىلەتىنى انىق. رەفەرەندۋمعا وراي ءتۇرلى الەۋمەتتىك توپتار، ساراپشىلار وزدەرىنىڭ پىكىرلەرىن ايتا جاتار. حالىق وسى اقپاراتتى قورىتىپ، شەشىم قابىلدايدى. قازاقستاندىقتار بۇل رەفرەندۋمدا وزدەرىنىڭ ۇستانىمىن ناقتى كورسەتەدى دەپ سەنەمىز»، - دەدى سەنات ءتوراعاسى.

بۇدان بۇرىن حابارلانعانداي، پرەزيدەنت قاسىم-جومارت توقايەۆ ب ا ق سالاسى قىزمەتكەرلەرىن ماراپاتتاۋ راسىمىندە سويلەگەن سوزىندە ەلدە اتوم ەلەكتر ستانساسىن سالۋ جوباسى تۋرالى پىكىر ءبىلدىردى.

اتاپ ايتقاندا، ا ە س جونىندەگى رەفەرەندۋم كۇزدە وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى