ا ق ش يزرايل جاعالاۋىنا مىڭداعان تەڭىز جاياۋ اسكەرىن جىبەردى
ا ق ش يزرايل جاعالاۋىنا ەكى مىڭ تەڭىز جاياۋ اسكەرىنەن تۇراتىن جەدەل ارەكەت ەتۋ كۇشىن جىبەردى، دەپ حابارلايدى Kazinform CNN- گە سىلتەمە جاساپ.
جەدەل ارەكەت ەتۋ توبى ايماقتاعى ا ق ش اسكەرىنە قوسىلادى. ا ق ش وسىلاي يرانعا گازا سەكتورىندا ءورشىپ تۇرعان قاقتىعىستىڭ ايماقتىق قاقتىعىسقا ۇلاسۋىنا جول بەرمەيتىنىن تۇسىندىرگىسى كەلەدى.
ا ق ش تاياۋ شىعىستاعى اسكەر قاتارىن ۇلعايتىپ، جەرورتا تەڭىزىنىڭ شىعىسىنا ەكىنشى ۇلكەن ۇشاق تاسىمالداعىشىن ورنالاستىردى، سونىمەن قاتار، ايماققا اسكەري-اۋە كۇشتەرىنىڭ جويعىش ۇشاقتارىن جىبەردى.
بۇعان دەيىن ا ق ش قورعانىس ءمينيسترى للويد وستين 2000 عا جۋىق اسكەردى يزرايلگە جىبەرۋگە دايىن بولۋدى بۇيىرعانى حابارلانعان بولاتىن.
قازىردىڭ وزىندە جەرورتا تەڭىزىنىڭ شىعىسىندا ا ق ش- تىڭ اۆياتاسىمالداعىش سوققى بەرۋشى توبى بار، ال ەكىنشىسى جولدا.
امەريكالىق تاراپ تەڭىز كۇشتەرىنىڭ قايدا باراتىنىن ناقتىلامادى، ءبىراق ول يزرايلدىڭ وڭتۇستىك جاعالاۋىنداعى قىزىل تەڭىزدە قالۋى مۇمكىن، ناتيجەسىندە ا ق ش كۇشتەرى ەلدىڭ ەكى جاعالاۋ سىزىعىنا جاقىن ورنالاسادى.
سەيسەنبى كۇنى ا ق ش مەملەكەتتىك حاتشىسى ەنتوني بلينكەن ا ق ش پرەزيدەنتى دجو بايدەننىڭ سارسەنبى كۇنى يزرايلگە ساپارلايتىنىن حابارلادى.
