ا ق ش-تىڭ سىرتقى ساياساتى اياسىندا قازاقستانداعى ۋران باعاسى تومەندەدى

قازاقستان قور بيرجاسى (KASE) باسقارما ءتوراعاسىنىڭ ورىنباسارى دانا امانجولوۆانىڭ ايتۋىنشا، جىل باسىنان بەرى اكتسيالار نارىعىنىڭ كاپيتالدانۋى %3,4 عا نەمەسە 1,1 تريلليون تەڭگەگە تومەندەپ، KASE تىزىمىندەگى اكتسيالار باعاسىنىڭ قۇلدىراۋى ەسەبىنەن 31,8 تريلليون تەڭگە (63,1 ميلليارد ا ق ش) بولدى.

- KASE يندەكسى توقساندى وڭ ديناميكامەن جاپتى: ءوسىم وسى جىلدىڭ باسىمەن سالىستىرعاندا 1,4 پايىز. ءوسۋدىڭ نەگىزگى درايۆەرلەرى بانك سەكتورىنداعى اكسيالار بولدى، اتاپ ايتقاندا، بتسك پەن حالىق بانكى. ەڭ كوپ قۇلدىراۋ «قازاتومونەركاسىپ»، «Kaspi» جانە «Air Astana» كومپانيالارىنىڭ اكسيالارىندا تىركەلدى، - دەدى ول.

KASE كليرينگتىك ورتالىعىنىڭ باسقارما ءتوراعاسى ناتاليا حوروشيەۆسكايا ۋران باعاسىنىڭ تومەندەۋىنە قاتىستى تۇسىنىك بەردى. ونىڭ ايتۋىنشا، باعانىڭ تومەندەۋى قازاقستاندىق ۋرانعا عانا ەمەس، سونىمەن قاتار الەمدىك نارىقتارداعى جالپى قۇبىلمالىلىققا بايلانىستى ءبىرقاتار باسقا شيكىزاتقا دا اسەر ەتتى.

- قازىر ءبىز ءىرى ويىنشىلاردىڭ ءبىرى - امەريكا قۇراما شتاتتارىنىڭ ەكونوميكالىق ساياساتى مۇلدە بولجاۋعا بولمايتىنىن كورىپ وتىرمىز، سوندىقتان باعا ايتارلىقتاي قۇبىلىپ تۇر. ءبىراق بۇل قارجى جانە تاۋار نارىقتارى تاريحىنداعى ءبىرىنشى جوعارى قۇبىلمالىلىق ەمەس. مۇنداي بولىپ تۇرادى، - دەدى ناتاليا حوروشيەۆسكايا.

ول سونداي-اق تەك ىشكى نارىقتا جۇمىس ىستەيتىن جانە حالىقارالىق بيرجالاردا كورسەتىلمەگەن كومپانيالار سىرتقى ەكونوميكالىق كۇيزەلىستەرگە توزىمدىلىك تانىتاتىنىن اتاپ ءوتتى. سونىمەن قاتار قىزمەتى ەكسپورتپەن جانە حالىقارالىق وپەراتسيالارمەن تىعىز بايلانىستى كومپانيالار مىندەتتى تۇردە جاھاندىق تاۋەكەلدەردىڭ اسەرىنە تاپ بولاتىنىن جەتكىزدى.

- «قازاتومونەركاسىپ» - وتاندىق ونەركاسىپ فلاگماندارىنىڭ ءبىرى. كومپانيا ۋراندى شەتەل نارىعىنا ساتادى، ونىڭ اكسيالارى سىرتقى نارىقتا ساتىلادى، بۇل كومپانيا IPO- دان ءوتتى، كوپتەگەن ينۆەستورى بار. ارينە، مۇنداي جاعدايلاردا اۋىر سوققىنى وسىنداي كومپانيالار الادى. بۇل جەردە كومپانيانىڭ تۇراقتىلىعى نەمەسە ونىڭ ساپاسىن ىشكى ينۆەستورلاردىڭ باعالاۋى تۋرالى سۇراقتار تۋىنداۋى مۇمكىن ەمەس. دۇنيەجۇزىلىك نارىق ءدال قازىر قۇبىلمالى - ول كۇرت قۇلدىرادى جانە، مەنىڭ ويىمشا، كۇرت كوتەرىلەدى. تيىسىنشە، مۇنداي كومپانيالار وسىنداي داۋىلدارعا تاپ بولادى، - دەپ قوستى ول.

وتكەن جىلدىڭ قارجىلىق ەسەبىنە سايكەس، قازاتومونەركاسىپتىڭ كىرىسى 26 پايىزعا ءوسىپ، 1,8 تريلليون تەڭگەگە جەتتى. بۇل رەتتە كومپانيانىڭ تازا كىرىسى %95 عا ءوسىپ، 1,3 تريلليون تەڭگە بولدى. ۇلتتىق ۋران ءوندىرۋشىنىڭ تۇراقتى قارجىلىق جاعدايىن Fitch حالىقارالىق رەيتينگتىك اگەنتتىگى دە راستادى، ول كومپانيانىڭ نەسيەلىك رەيتينگىن تۇراقتى بولجاممەن BBB دەڭگەيىندە ساقتادى.

ەسكە سالايىق، بۇعان دەيىن پرەزيدەنتكە «قازاتومونەركاسىپتىڭ» 2025-2034-جىلدارعا ارنالعان دامۋ ستراتەگياسى تانىستىرىلعان بولاتىن.

ايتا كەتەيىك، قور نارىعى ترامپتىڭ تاريفتەر تۋرالى مالىمدەمەسىنە رەاكسيا ءبىلدىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى