ا ق ش- تىڭ B-1B بومبالاۋشى ۇشاعى اۋە بازاسىنا قونۋ كەزىندە اپاتقا ۇشىرادى
امەريكالىق B-1B Lancer ستراتەگيالىق بومبالاۋشى ۇشاعى وڭتۇستىك داكوتاداعى ەللسۆورت اۋە كۇشتەرىنىڭ بازاسىنا قونۋ كەزىندە اپاتقا ۇشىرادى.
Kazinform بۇل تۋرالى uza.uz گە سىلتەمە جاساپ حابارلايدى.
ا ق ش اسكەري-اۋە كۇشتەرىنىڭ جاھاندىق سوققى بەرۋ قولباسشىلىعىنىڭ دەرەگىنشە، بورتتا ءتورت ۇشقىشتان تۇراتىن ەكيپاج بولعان. ولاردىڭ بارلىعى ءساتتى شىعارىلدى جانە ەشكىم زارداپ شەكپەدى.
اپات جەرگىلىكتى ۋاقىت بويىنشا بەيسەنبى كۇنى كەشكە وقۋ-جاتتىعۋ رەيسى كەزىندە بولعان. ۇشاقتىڭ قونۋىنا اۋا رايىنىڭ قولايسىزدىعى مەن قاتتى اياز كەدەرگى كەلتىرگەنى ايتىلادى حابارلامادا.
قازىرگى كەزدە اپاتتىڭ سەبەبىن انىقتاۋ جۇمىستارى جۇرگىزىلىپ جاتىر.
